മോ​ഷ​ണം നി​ര്‍​ത്തി മാ​ന്യ​മാ​യി ജീ​വി​ക്കാ​ന്‍ ത​ന്നെ മാ​പ്പു​സാ​ക്ഷി​യാ​ക്ക​ണ​മെ​ന്ന്​ കോ​ട​തി​യോ​ട്​ അപേ​ക്ഷി​ച്ച പ്ര​തി​ക്ക്​ ജാ​മ്യം. താൻ കുറ്റവാളിയാണെന്ന് അറിഞ്ഞതോടെ കാമുകി വിവാഹത്തിൽ നിന്നും പിന്മാറിയതാണ് യുവാവിന് മാനസാന്തരം വരാൻ കാരണം. ക​ല്യാ​ണം ക​ഴി​ച്ച്‌​ മാ​ന്യ​മാ​യി ജീ​വി​ക്കാ​ന്‍ ത​ന്നെ മാ​പ്പു​സാ​ക്ഷി​യാ​ക്ക​ണ​മെ​ന്നായിരുന്നു അപേക്ഷ.

ജീ​വ​ന​ക്കാ​രെ ബ​ന്ദി​യാ​ക്കി കാ​സ​ര്‍​കോ​ട്​ കു​ഡ്​​ലു ബാ​ങ്ക്​ പ​ട്ടാ​പ്പ​ക​ല്‍ ക​വ​ര്‍​ച്ച ചെ​യ്​​ത്​ 21കി​ലോ സ്വ​ര്‍​ണം ക​വ​ര്‍​ന്ന കേ​സി​ലെ ആ​റാം പ്ര​തി ഫെ​ന്നി​സ്​ നെ​റ്റോ​ക്കാ​ണ്​ കാ​മു​കി കൈ​വി​ടു​മെ​ന്നാ​യ​പ്പോ​ള്‍ മനമാറ്റമുണ്ടായത്. കു​ഡ്​​ലു കേ​സി​ല്‍ റി​മാ​ന്‍​ഡി​ല്‍ ക​ഴി​ഞ്ഞി​രു​ന്ന പ്ര​തി ഫെ​ന്നി​സ്​ ത​ന്റെ കാ​മു​കി​യെ വീ​ട്ടു​കാ​ര്‍ ത​ട​ങ്ക​ലി​ല്‍ ​വ​ച്ചി​രി​ക്കു​ക​യാ​ണെ​ന്നുകാണിച്ച് ഹൈ​കോ​ട​തി​യി​ല്‍ ഹേ​ബി​യ​സ്​ കോ​ര്‍​പ​സ്​ ഹർജി ന​ല്‍​കി. എന്നാൽ വീ​ട്ടു​കാ​ര്‍ ഹാ​ജ​രാ​ക്കി​യ​പ്പോ​ള്‍ മോ​ഷ​ണ​ക്കേ​സി​ലെ പ്ര​തി​യെ ക​ല്യാ​ണം ക​ഴി​ക്കാ​നാ​വി​ല്ലെ​ന്ന്​ പെ​ണ്‍​കു​ട്ടി കോ​ട​തി​യെ അ​റി​യി​ക്കു​ക​യാ​യി​രു​ന്നു.

ഇതോടെ പ്രണയം തകരുമെന്നായപ്പോൾ ഫെ​ന്നി​സ്​ സി.​ആ​ര്‍.​പി.​സി 307 പ്ര​കാ​രം കേ​സി​ല്‍ അ​ന്വേ​ഷ​ണ​സം​ഘ​ത്തെ സ​ഹാ​യി​ക്കു​ന്ന പ്ര​തി​ക്ക്​ ന​ല്‍​കു​ന്ന ആ​നു​കൂ​ല്യം ഉ​പ​യോ​ഗി​ച്ച്‌​ കാ​സ​ര്‍​കോ​ട്​ അ​ഡീ​ഷ​ന​ല്‍ സെ​ഷ​ന്‍​സ്​ കോ​ട​തി​യി​ല്‍ മാ​പ്പു​സാ​ക്ഷി​യാ​കാ​നു​ള്ള അ​പേ​ക്ഷ ഏ​പ്രി​ല്‍ 24ന്​ ​ഫ​യ​ല്‍ ചെ​യ്​​തു. മെ​യ്​ ര​ണ്ടി​ന്​ ഹ​ര​ജി പ​രി​ഗ​ണി​ച്ച കോ​ട​തി ​പ്രോ​സി​ക്യൂ​ഷ​നോ​ട്​ അ​ഭി​പ്രാ​യം ചോ​ദി​ച്ചു. മെയ്​ 10ന്​ ​അ​റി​യി​ക്കു​മെ​ന്ന്​ പ്രോസി​ക്യൂ​ട്ട​ര്‍ പി. ​രാ​ഘ​വ​ന്‍ പ​റ​ഞ്ഞ​തി​​െന്‍റ അ​ടി​സ്ഥാ​ന​ത്തി​ല്‍ ഫെ​ന്നി​സി​ന്​ കോ​ട​തി ബു​ധ​നാ​ഴ്​​ച ജാ​മ്യം ന​ല്‍​കി.

പി​ടി​കി​ട്ടാ​നു​ള്ള ഒ​രു പ്ര​തി റെ​ജി എ​വി​ടെ​യു​ണ്ടെ​ന്ന്​ ഇയാൾക്ക് അറിയാമെന്ന് വ്യക്തമാക്കി. കവർച്ചയിൽ നാ​ലു​ കോ​ടി​യോ​ളം രൂ​പ​യു​ടെ സ്വ​ര്‍​ണം ഫെ​ന്നിസിനാണ്​ കി​ട്ടി​യ​ത്. ഇൗ ​പ​ണം ഉ​പ​യോ​ഗി​ച്ച്‌​ കു​ട​കി​ല്‍ ഒ​ന്ന​ര ഏ​ക്ക​ര്‍ ഭൂ​മി വാ​ങ്ങി​യി​ട്ടു​ണ്ട്.

ഇയാൾക്കെതിരെ നാ​ലു​ വ​ധ​ശ്ര​മ​ക്കേ​സു​ക​ളും ഒ​രു മ​യ​ക്കു​മ​രു​ന്ന്​ കേ​സും ര​ണ്ടു​ പോ​ക്​​സോ ആ​രോ​പ​ണ​ക്കേ​സും കു​ഡ്​​ലു കേ​സി​നു പു​റമേയുണ്ട് . കേ​സു​ക​ള്‍ കൂ​ടി​യ​പ്പോ​ള്‍ നാ​ടു​വി​ട്ടു മം​ഗ​ളൂ​രു​വി​ല്‍​ എ​ത്തി. രേ​ഖ​ക​ളി​ല്ലാ​തെ ക​ട​ത്തു​ന്ന സ്വ​ര്‍​ണം പി​ടി​കൂ​ട​ലാ​യി​രു​ന്നു ജോ​ലി.​ ഒ​രു രാ​ഷ്​​ട്രീ​യ​നേ​താ​വിന്റെ കൊട്ടേഷനനുസരിച്ച്​ കു​ഡ്​​ലു ബാ​ങ്ക്​ കൊ​ള്ള​യ​ടി​ക്കുകയായിരുന്നു എന്ന ഇയാൾ പറയുന്നു. അ​ഞ്ചു​വ​ര്‍​ഷ​മാ​യി പ്ര​ണ​യി​ക്കു​ന്ന പെ​ണ്‍​കു​ട്ടി​യെ ഒാ​ര്‍​ത്താ​ണ്​ ഫെ​ന്നി​സ്​ മ​നം​മാ​റി​യ​ത്​ എ​ന്ന്​ പ​റ​യു​ന്നു.