വരാപ്പുഴയിൽ ശ്രീജിത്തിന്റെ മരണത്തില്‍ കൂടുതല്‍ പൊലീസുകാര്‍ പ്രതികളാകുമെന്ന് റിപ്പോര്‍ട്ട്. മര്‍ദ്ദനം കണ്ടു നിന്ന പൊലീസുകാരും പ്രതിപട്ടികയില്‍ ഉള്‍പ്പെടും. വരാപ്പുഴ പൊലീസ് സ്റ്റേഷനിലെ പൊലീസുകാരാണ് പ്രതിപട്ടികയില്‍ ഉള്‍പ്പെടുക. മര്‍ദ്ദനം കണ്ടു നിന്നവരും ജിഡി ചുമതയില്‍ ഉണ്ടായിരുന്നവരുമാണ് പ്രതിപ്പട്ടികയില്‍ ഉള്‍പ്പെടുക. കൊലക്കുറ്റം ഒഴികെയുള്ള വകുപ്പുകളാണ് ഇവര്‍ക്കെതിരെ ചുമത്തുക.

ശ്രീജിത്ത്​ കൊല്ലപ്പെട്ട സംഭവത്തില്‍ പ​റ​വൂ​ർ സി​ഐ ക്രി​സ്പി​ൻ സാം അറസ്റ്റിലായിരുന്നു. സം​ഭ​വം ന​ട​ന്ന വ​രാ​പ്പു​ഴ പോ​ലീ​സ് സ്റ്റേ​ഷ​ന്‍റെ ചു​മ​ത​ല ഉണ്ടായിരുന്നത് സി ഐ ക്രി​സ്പി​നാ​യി​രു​ന്നു. അ​തേ​സ​മ​യം ഇ​ദ്ദേ​ഹ​ത്തി​നെ​തി​രെ കൊ​ല​ക്കു​റ്റം ചു​മ​ത്തി​യി​ട്ടി​ല്ല. ശ്രീ​ജി​ത്തി​ന്‍റെ ക​സ്റ്റ​ഡി മ​ര​ണ​ത്തി​ൽ ക്രി​സ്പി​ൻ സാ​മി​നു പ​ങ്കു​ണ്ടെ​ന്ന് ശ്രീ​ജി​ത്തി​ന്‍റെ കു​ടും​ബം മുന്നേ ആ​രോ​പ​ണം ഉ​ന്ന​യി​ച്ചി​രു​ന്നു.