വാര്ത്താവിനിമയ മന്ത്രാലയത്തിന് നല്കുന്ന അവാര്ഡ് ജേതാക്കളുടെ പരാതിയില് ഒപ്പിട്ടിരുന്നു, എന്നാല് ചടങ്ങ് ബഹിഷ്കരിക്കുന്നതിനോട് യോജിപ്പില്ല ; യേശുദാസും ജയരാജും അവാര്ഡ് ദാന ചടങ്ങില് പങ്കെടുക്കും
ദേശീയ ചലച്ചിത്ര പുരസ്കാര വിതരണ ചടങ്ങില് പങ്കെടുക്കുമെന്ന് ഗായകന് യേശുദാസ് , സംവിധായകന് ജയരാജ് എന്നിവർ. വിവേചനത്തില് പ്രതിഷേധിച്ച് നിവേദനത്തിൽ മാത്രമാണ് ഒപ്പുവച്ചതെന്ന് യേശുദാസ്. എല്ലാവര്ക്കും രാഷ്ട്രപതി അവാര്ഡ് സമ്മാനിക്കുമെന്നാണ് പ്രതീക്ഷയെന്ന് സംവിധായകന് ജയരാജ് അറിയിച്ചു. ഭയണകത്തിന്റെ ഛായാഗ്രാഹകൻ നിഖിൽ എസ് പ്രവീണും ചടങ്ങിൽ പങ്കെടുക്കും.
11 പുരസ്കാരങ്ങള് മാത്രം രാഷ്ട്രപതി രംനാഥ് കോവിന്ദ് വിതരണം ചെയ്യുകയും ബാക്കി പുരസ്കാരങ്ങള് കേന്ദ്രമന്ത്രി സ്മൃതി ഇറാനി വിതരണം ചെയ്യുന്നതുമായ തീരുമാനത്തിൽ പുരസ്കാര ജേതാക്കള് പ്രതിഷേധിച്ചിരുന്നു. ഇതുസംബന്ധിച്ച് വാര്ത്താവിനിമയ മന്ത്രാലയത്തിന് നല്കുന്ന അവാര്ഡ് ജേതാക്കളുടെ പരാതിയില് യേശുദാസും ജയരാജും ഒപ്പിട്ടിരുന്നു. എന്നാല് ചടങ്ങ് ബഹിഷ്കരിക്കുന്നതിനോട് യോജിപ്പില്ലെന്ന് യേശുദാസ് പറഞ്ഞു.
കേന്ദ്രസര്ക്കാരിന്റെ തീരുമാനം മുറിവേല്പ്പിച്ചുവെന്നും ഉപരാഷ്ട്രപതി അവാര്ഡ് നല്കിയാല് സ്വീകരിക്കുമെന്നും ജേതാക്കള് അറിയിച്ചിരുന്നു നോണ്ഫീച്ചര് പുരസ്കാരങ്ങള് വൈകീട്ട് നാലിന് സ്മൃതി ഇറാനി വിതരണം ചെയ്ത ശേഷം 11 പുരസ്കാരങ്ങള് അഞ്ചരയോടെ രാഷ്ട്രപതി വിതരണം ചെയ്യുന്ന തരത്തിലാണ് പരിപാടിയുടെ സമയക്രമം നിശ്ചയിച്ചിരിക്കുന്നത്.
മുഴുവന് പുരസ്കാരങ്ങളും വിതരണം ചെയ്യുന്നതിന് രാഷ്ട്രപതിയുടെ ഓഫീസുമായി സംസാരിച്ച ശേഷം തീരുമാനം അറിയിക്കാമെന്നാണ് സ്മൃതി ഇറാനി പുരസ്കാര ജേതാക്കളെ അറിയിച്ചത്. പുരസ്കാര വിതരണത്തില് വിവേചനം പാടില്ലെന്നാണ് പുരസ്കാര ജേതാക്കളുടെ വിമര്ശനം. സംവിധായകന് ജയരാജ്, ഗായകന് കെ.ജെ.യേശുദാസ് എന്നിവര് മാത്രമാണ് രാഷ്ട്രപതി പുരസ്കാരം നല്കുന്ന 11 പേരില് കേരളത്തില് നിന്നുള്ളത്.
https://www.facebook.com/Malayalivartha
