കൊച്ചിയില് പ്രായപൂര്ത്തിയാകാത്ത പെണ്കുട്ടിയെ എഎസ്ഐ നാസര് പീഡിപ്പിക്കാന് ശ്രമിച്ചു; ആക്രമണവിവരം പുറത്തുപറഞ്ഞാല് പെണ്കുട്ടിയെയും പിതാവിനെയും വധിക്കുമെന്നും എഎസ്ഐ
കൊച്ചിയില് പ്രായപൂര്ത്തിയാകാത്ത പെണ്കുട്ടിയെ എഎസ്ഐ പീഡിപ്പിക്കാന് ശ്രമിച്ചു. പെണ്കുട്ടിയുടെ പരാതിയുടെ അടിസ്ഥാനത്തില് തലയോലപ്പറമ്പ് പൊലീസ് സ്റ്റേഷനിലെ എഎസ്ഐക്കെതിരെ എറണാകുളം സെന്ട്രല് പൊലീസ് കേസെടുത്തു. ഇയാള്ക്കെതിരെ പോക്സോ വകുപ്പും ചുമത്തിയിട്ടുണ്ട്.
തലയോലപ്പറമ്പ് പൊലീസ് സ്റ്റേഷനിലെ എഎസ്ഐ നാസറിനെതിരെയാണ് പ്രായപൂര്ത്തിയാകാത്ത പെണ്കുട്ടിയെ പീഡിപ്പിക്കാന് ശ്രമിച്ചതിന് എറണാകുളം സെന്ട്രല് പൊലീസ് കേസെടുത്തിരിക്കുന്നത്. രണ്ടാഴ്ച മുന്പായിരുന്നു കേസിനാസ്പദമായ സംഭവം. പെണ്കുട്ടി കലൂരിലെ ഒരു വിദ്യാഭ്യാസസ്ഥാപനത്തില് സിവില് സര്വീസ് പ്രവേശനപ്പരീക്ഷയ്ക്കായുള്ള പരിശീലനം നടത്തി വരുകകയായിരുന്നു. നാസറിന്റെ മകനും ഈ സ്ഥാപനത്തില് തന്നെയാണ് പഠിക്കുന്നത്.
ഇവിടെ മകനെ കാണാനെത്തിയ നാസര് ലിഫ്റ്റില് ഒരുമിച്ചുണ്ടായിരുന്ന പെണ്കുട്ടിയെ കടന്നുപിടിക്കുകയായിരുന്നു. ലിഫ്റ്റിന് പുറത്തിറങ്ങിയപ്പോഴും നാസര് പെണ്കുട്ടിയെ ആക്രമിക്കാന് ശ്രമിച്ചു. ആക്രമണവിവരം പുറത്തുപറഞ്ഞാല് പെണ്കുട്ടിയെയും പിതാവിനെയും വധിക്കുമെന്നും ഭീഷണിപ്പെടുത്തുകയും ചെയ്തു.
തുടര്ന്ന് രണ്ടാഴ്ചയോളം പെണ്കുട്ടി പരിശീലനത്തിന് പോകാതായതോടെ വീട്ടുകാര് അന്വേഷിച്ചപ്പോഴാണ് കുട്ടി കാര്യങ്ങള് തുറന്നുപറഞ്ഞത്. തുടര്ന്ന് പെണ്കുട്ടിയുടെ വീട്ടുകാര് പൊലീസില് പരാതി നല്കുകയായിരുന്നു.ഇതിനിടെ പൊലീസ് സ്റ്റേഷനില് പരാതിയുമായെത്തിയ പെണ്കുട്ടിയെയും പിതാവിനെയും നാസറും മറ്റ് പോലീസുകാരുീ ചേര്ന്ന് ഭീഷണിപ്പെടുത്തിയതായും ആരോപണമുണ്ട്.
https://www.facebook.com/Malayalivartha
