കോ​ഴി​ക്കോ​ട് ചിന്താവളപ്പിലെ നി​ർ​മ്മാ​ണ​ത്തി​ലി​രി​ക്കു​ന്ന കെ​ട്ടി​ട​ത്തി​നു സ​മീ​പം മ​ണ്ണി​ടി​ഞ്ഞു വീണുണ്ടായ അപകടത്തിൽ ഒരാൾ മരിച്ചതായി റിപ്പോർട്ടുകൾ. ബീഹാർ സ്വദേശി കിസ്​മത്താണ് (26)​ മരിച്ചത്.

ഏഴു​ പേരാണ്​ അപകടത്തിൽപ്പെട്ടത്​. ഇതിൽ ആറു​​ പേരെ തൊഴിലാളികളും ഫയർഫോഴ്​സും ചേർന്ന്​ രക്ഷപ്പെടുത്തി. വൈകീട്ട്​ നാല്​ മണിയോടെയായിരുന്നു ഇത്തരത്തിലൊരു ദാരുണ സംഭവം അരങ്ങേറിയത്.

എതിർപ്പ്​ അവഗണിച്ച്​ മണ്ണെടുത്തതാണ്​ അപകടത്തിന്​ കാരണമെന്ന്​ തൊഴിലാളികൾ പറഞ്ഞു. മഴയിൽ നനഞ്ഞ മണ്ണ്​ ജെ.സി.ബി ഉപയോഗിച്ച്​ മാറ്റരുതെന്ന്​ തൊഴിലാളികൾ അറിയിച്ചിരുന്നു. എന്നാൽ ഇത്​ അവഗണിക്കുകയായിരുന്നുവെന്നാണ്​ സൂചന.

അതേസമയം സംഭവത്തിൽ നിയമലംഘനമുണ്ടായതായി ജില്ലാ കളക്ടർ. കെട്ടിട നിർമ്മാണച്ചട്ടം പൂർണ്ണമായും പാലിച്ചിട്ടില്ലെന്നും കെട്ടിട ഉടമ ആയിഷയ്ക്കെതിരെ കേസെടുത്തിട്ടുണ്ടെന്നും കളക്ടർ അറിയിച്ചു.