നല്ലകാര്യം ചെയ്യുന്നവനെ പുകച്ച് പുറത്ത് ചാടിക്കാന് ശ്രമിക്കുന്ന യൂണിയന്കാര് മുഖ്യമന്ത്രിയുടെ കടുത്ത നിലപാടിനുമുമ്പില് ചൂളിപ്പോയി; തച്ചങ്കരിക്കെതിരായ ഭരണപക്ഷാനുകുല സംഘടനയുടെ പരാതിക്ക് മുഖ്യമന്ത്രി ചെവികൊടുത്തില്ല; അവസാനം സര്ക്കാരിന് ജയ് വിളിച്ച് സ്വയം ആശ്വസിച്ചു
കെ.എസ്.ആര്.ടി.സി പുതിയ സി.എം.ഡി ടോമിന് തച്ചങ്കരി കുറഞ്ഞ നാളു കൊണ്ട് കെഎസ്ആര്ടിയെ രക്ഷിക്കാന് ഉറച്ച നിലപാടാണ് എടുത്തത്. ഇതിന് ജനങ്ങളുടെ കൈയ്യടിയും ലഭിച്ചു. എന്നാല് എന്നും താപ്പാനകളായ യൂണിന്കാര് ഇതിനെതിരെ ഒളിഞ്ഞും തെളിഞ്ഞും രംഗത്തെത്തി.
അതേസമയം തച്ചങ്കരി നടപ്പാക്കുന്ന പരിഷ്കാരങ്ങള്ക്കെതിരേ മുഖ്യമന്ത്രി പിണറായി വിജയനോടു പരാതി പറയാനുള്ള ഭരണപക്ഷാനുകുല സംഘടനയുടെ പണി പാളി. മുഖ്യമന്ത്രി പരാതിക്കു ചെവി കൊടുക്കാതിരുന്നപ്പോള് എം.വി ജയരാജനോട് കാര്യങ്ങള് പറഞ്ഞ് മടങ്ങിയ നേതാക്കള് ഒടുവില് സര്ക്കാരിന് 'അഭിവാദ്യങ്ങള്' അര്പ്പിച്ച് മുഖം രക്ഷിച്ചു.
കോര്പ്പറേഷനെ രക്ഷിക്കാനുള്ള നടപടികളുമായി ടോമിന് തച്ചങ്കരി മുന്നോട്ടുപോകുന്നതിനിടെ ഇതിന് തുരങ്കംവയ്ക്കാനുള്ള ഉദ്യോഗസ്ഥ, ഭരണതലത്തിലുള്ള നീക്കത്തിന്റെ ഭാഗമായാണ് യൂണിയന് നേതാക്കള് മുഖ്യമന്ത്രിക്ക് മുന്നിലേക്ക് പോയത്. നേതാക്കള്ക്ക് പരാതിയുണ്ടെന്ന കാര്യം തച്ചങ്കരിയെ എം.വി ജയരാജന് ധരിപ്പിച്ചെങ്കിലും കോര്പ്പറേഷനെ നേരെ നിര്ത്താന് കര്ശന നടപടി വേണമെന്ന് അദ്ദേഹം ധരിപ്പിച്ചതായാണ് അറിയുന്നത്. മുഖ്യമന്ത്രിക്കു പുറമേ ധനമന്ത്രി തോമസ് ഐസക്കിന്റെയും പിന്തുണ ഉള്ളതിനാല് തച്ചങ്കരിക്കെതിരായ പരാതി തല്ക്കാലം വിലപ്പോവില്ല.
ഒടുവില് മുഖം രക്ഷിക്കാന് കെ.എസ്.ആര്.ടി.സിയിലെ പ്രശ്നങ്ങള്ക്കു ശ്വാശത പരിഹാരം കണ്ട് സര്ക്കാരിന് അഭിവാദ്യവുമായി കെ.എസ്.ആര്.ടി.എംപ്ലോയീസ് അസോസിയേഷന് (സി.ഐ.ടി.യു) ഇന്നലെ രംഗത്ത് വന്നു. സര്വീസ് ഓപ്പറേഷന് കാര്യക്ഷമമാക്കിയും ആവശ്യമായ സാമ്പത്തികസഹായം അനുവദിച്ചും കോര്പ്പറേഷനെ സര്ക്കാര് പ്രതിസന്ധിയില്നിന്ന് കരകയറ്റിയതായാണ് ജനറല് സ്രെകട്ടറി സി.കെ ഹരികൃഷ്ണന് പറയുന്നത്. പെന്ഷന് പ്രായം കൂട്ടണമെന്ന് ആവശ്യപ്പെട്ട സെക്രട്ടറി അതേസമയം കൂടുതല് ബസുകള് നിരത്തിലിറക്കി കൂടുതല് ചെറുപ്പക്കാര്ക്ക് പി.എസ്.സി വഴി ജോലി നല്കണമെന്നും ആവശ്യപ്പെട്ടു.
കോര്പ്പറേഷനില് ബോഡി ബില്ഡിംഗ് പുനഃരാരംഭിക്കണമെന്നും എടപ്പാളില് കൂടി ബോഡി ബില്ഡിംഗിന് ലൈസന്സ് നല്കണമെന്നും യൂണിയന് ആവശ്യപ്പെട്ടു.
ചീഫ് ഓഫീസില് യൂണിയന് പ്രവര്ത്തനം നടത്താന് ആരും തമ്പടിച്ചിട്ടില്ലെന്ന അറിയിച്ച സെക്രട്ടറി പക്ഷേ ഇവിടെ ആവശ്യത്തില് കൂടുതല്പേര് ഉണ്ടായിരുന്നുവെന്നു സമ്മതിച്ചു. 37 കണ്ടക്ടര്മാര് അദര് ഡ്യൂട്ടിയില് നിന്ന് മാറിയിട്ടുണ്ടെന്നും സെക്രട്ടറി അറിയിച്ചു. എന്നാല് ജീവനക്കാരെ വിന്യസിക്കുന്നതില് വീഴ്ചയുണ്ടാകരുതെന്ന് ആവശ്യപ്പെട്ട യൂണിയന് നേതാക്കള് ഇന്നലെ പുറത്തിറക്കിയ പ്രസ്താവനയില് എം.ഡിയേയോ അദ്ദേഹത്തിന്റെ പരിഷ്ക്കാരങ്ങളേയാ പരാമര്ശിക്കാതെ സര്ക്കാരിന് അഭിവാദ്യം അര്പ്പിച്ച് തടിതപ്പുകയായിരുന്നു.
https://www.facebook.com/Malayalivartha
