തീയറ്റര് പീഡന കേസ് പ്രതിയെ സഹായിക്കാന് പോയിട്ട് ചിന്തിക്കുക പോലും ചെയ്തിട്ടില്ലെന്ന് കെ ടി ജലീല് ; പീഡകനെ മലപ്പുറത്തെ മന്ത്രി സഹായിച്ചെന്ന 'ജയ് ഹിന്ദ്' ചാനല് ആരോപണത്തെ തള്ളി മന്ത്രി
തീയറ്റര് പീഡന കേസ് പ്രതിയെ സംരക്ഷിക്കാന് മലപ്പുറത്തു നിന്നുള്ള മന്ത്രി സഹായിച്ചെന്ന ആരോപണം നിഷേധിച്ച് കെ ടി ജലീല്. ജലീലിന്റെ മണ്ഡലം ഉള്പ്പെട്ട എടപ്പാളിലെ ശാരദ തീയറ്ററില് വച്ചാണ് പീഡനം നടന്നതെന്ന ആരോപണവുമായി കോണ്ഗ്രസ് ചനല് ജയ് ഹിന്ദ് രംഗത്തെത്തിയിരുന്നു. ഇതിനെതിരെയാണ് ജലീല് രംഗത്തെത്തിയത്. എടപ്പാള് സംഭവത്തെ അപലപിച്ചു കൊണ്ടാണ് ആദ്ദേഹത്തിന്റെ പ്രതികരണം. ഫേസ്ബുക്ക് പോസ്റ്റിലൂടെയാണ് അദ്ദേഹം ആരോപണങ്ങളെ നിഷേധിച്ചത്.
എന്റെ പേരു പറയാതെ എന്നാല് ഞാനാണെന്ന് കേള്ക്കുന്നവര്ക്കും കാണുന്നവര്ക്കും വായിക്കുന്നവര്ക്കും സംശയിക്കാന് ഇടവരുത്തും വിധം വാര്ത്ത നല്കുന്നത് സാമാന്യ മാധ്യമധര്മ്മത്തിന് നിരക്കുന്നതല്ലെന്ന് ജലീല് പറഞ്ഞു. ആ വാര്ത്തയില് സത്യത്തിന്റെ ഒരംശമുണ്ടെങ്കില് പൊതുപ്രവര്ത്തനം ഈ നിമിഷം ഞാന് നിര്ത്തും. 'ജയ് ഹിന്ദ്' ചാനലിനെ ആയിരം വട്ടം ഞാന് വെല്ലുവിളിക്കുന്നു. തെളിവിന്റെ ഒരു തരിയെങ്കിലും നിങ്ങള് കൊണ്ട് വരൂവെന്നും അദ്ദേഹം വെല്ലുവിളിച്ചു.
എടപ്പാള് സംഭവവുമായി ബന്ധപ്പെട്ട് ഒരാളെയും സഹായിക്കാന് ശ്രമിക്കുക പോയിട്ട് അങ്ങിനെ ചിന്തിക്കുക പോലും ചെയ്തിട്ടില്ല .എനിക്കതിന് കഴിയില്ല .കാരണം രണ്ട് പെണ്കുട്ടികളടക്കം മൂന്ന് മക്കളുടെ പിതാവുകൂടിയാണ് താനെന്നും ജലീല് പറഞ്ഞു.
കെ ടി ജലീലിന്റെ ഫേസ്ബുക്ക് പോസ്റ്റ് ഇങ്ങനെ:
എന്റെ നിയോജക മണ്ഡലത്തില് ഉള്പ്പെടുന്ന എടപ്പാളിലെ ഒരു തിയ്യേറ്ററില്വെച്ച് പത്ത് വയസ്സായ ബാലിക കുബേരനായ ഒരു നരാധമനാല് ലൈംഗിക അതിക്രമത്തിന് വിധേയമായ അത്യന്തം ഹീനമായ സംഭവം നമ്മുടെ നാട്ടിലെ ഓരോ രക്ഷിതാവിന്റെയും മനസ്സിനുണ്ടാക്കുന്ന ഞെട്ടല് വിവരണാതീതമാണ് . പൊലീസ് പരാതി കിട്ടിയിട്ടും അന്വേഷിക്കാന് തയ്യാറാകാതിരുന്നത് ഗുരുതരമായ തെറ്റാണ് . അത്കൊണ്ടാണ് ചങ്ങരംകുളം എസ്ഐ യെ സസ്പെന്റ് ചെയ്തിരിക്കുന്നതും അദ്ദേഹത്തിനെതിരെ മറ്റു നിയമ നടപടികള് കൈകൊള്ളുന്നതും.
DYSP ക്ക് എസ്ഐ പരാതി കൈമാറിയിരുന്നെന്ന് പറയപ്പെടുന്ന കാര്യം മുതിര്ന്ന പൊലീസ് ഉദ്യോഗസ്ഥന് അന്വേക്ഷിക്കുന്നു എന്നാണ് മാധ്യമ റിപ്പോര്ട്ടുകള് . സര്ക്കാരിന്റെ അതീവ ജാഗ്രതയോടെയുള്ള നീക്കം രസിക്കാത്ത കോണ്ഗ്രസ്സ് ചാനല് തെറ്റിദ്ധാരണാജനകമായ വാര്ത്തയാണ് ഇതുമായി ബന്ധപ്പെട്ട് നല്കുന്നത് . മലപ്പുറത്ത് നിന്നുള്ള ഒരുമന്ത്രി പ്രതിയെ സഹായിക്കാന് ഇടപെട്ടുവെന്ന രീതിയില് 'ജയ്ഹിന്ദ്' ചാനലാണ് ഫ്ളാഷ് ന്യൂസ് സംപ്രേഷണം ചെയ്തത് .
എന്റെ പേരു പറയാതെ എന്നാല് ഞാനാണെന്ന് കേള്ക്കുന്നവര്ക്കും കാണുന്നവര്ക്കും വായിക്കുന്നവര്ക്കും സംശയിക്കാന് ഇടവരുത്തും വിധം വാര്ത്ത നല്കുന്നത് സാമാന്യ മാധ്യമധര്മ്മത്തിന് നിരക്കുന്നതല്ല . ആ വാര്ത്തയില് സത്യത്തിന്റെ ഒരംശമുണ്ടെങ്കില് പൊതുപ്രവര്ത്തനം ഈ നിമിഷം ഞാന് നിര്ത്തും . 'ജയ് ഹിന്ദ് ' ചാനലിനെ ആയിരം വട്ടം ഞാന് വെല്ലുവിളിക്കുന്നു. തെളിവിന്റെ ഒരു തരിയെങ്കിലും നിങ്ങള് കൊണ്ട് വരൂ .
കഴിഞ്ഞ രണ്ട് തെരഞ്ഞെടുപ്പില് കോണ്ഗ്രസ്സ് സ്ഥാനാര്ത്ഥിയെ തോല്പിച്ച 'ഈര്ഷ്യ' തീര്ക്കേണ്ടത് കള്ളക്കഥകള് മെനഞ്ഞെടുത്ത് ജനസമക്ഷം വിളമ്ബിയല്ല . നേര്ക്കുനേര് പോരാടിയാണ് . ദൈവം സാക്ഷി , വേദഗ്രന്ഥങ്ങള് സാക്ഷി ... എടപ്പാള് സംഭവവുമായി ബന്ധപ്പെട്ട് ഒരാളെയും സഹായിക്കാന് ശ്രമിക്കുക പോയിട്ട് അങ്ങിനെ ചിന്തിക്കുക പോലും ചെയ്തിട്ടില്ല .... എനിക്കതിന് കഴിയില്ല .... കാരണം രണ്ട് പെണ്കുട്ടികളടക്കം മൂന്ന് മക്കളുടെ പിതാവുകൂടിയാണ് ഞാന് . സത്യമേവ ജയതേ ......
https://www.facebook.com/Malayalivartha
