മട്ടന്നൂർ ചാവശ്ശേരി കട്ടേങ്കണ്ടം വയലാറമ്പിലെ കരിയാടൻ കെ സതീശൻ(42) ഞായറാഴ്ച്ച വൈകിട്ട് ബന്ധുവീട്ടിലും അയല്പക്കത്തും ചെന്ന് പറഞ്ഞു. അമ്മയേ ഞാനങ്ങ് കൊന്നു. കാരണം എനിക്ക് കൊന്ന് കളയേണ്ടിവന്നു. വിശ്വാസം വരാതെ ബന്ധുക്കൾ ഉടൻ തന്നെ സതീശന്റെ വീട്ടിൽ എത്തി നോക്കിയപ്പോൾ ഞെട്ടിക്കുന്ന കാഴ്ച്ച. 86 വയസുള്ള കരിയാടൻ പാർവതി അമ്മ കൊലപെട്ട നിലയിൽ. കഴുത്തിനേറ്റ ക്ഷതത്തിൽ കഴുത്ത് വളഞ്ഞ് തൂങ്ങി കിടക്കുന്നു.

ഉടൻ തന്നെ പോലീസ് സതീശനെ പിടികൂടി. മദ്യലഹരിയിൽ അമ്മയോടു വഴക്കിട്ടു കൊലപ്പെടുത്തുകയായിരുന്നുവെന്നു പൊലീസ് അറിയിച്ചു. മദ്യപിച്ചു വന്നതിനു അമ്മ വഴക്ക് പറഞ്ഞതായിരുന്നു സംഭവത്തിന്റെ കാരണം. സതീശന്‌ പോലീസ് സ്റ്റേഷനിൽ വയ്ച്ച് മദ്യ ലഹരി മാറിയിട്ടും കുറ്റബോധം ഒന്നും ഇല്ലെന്നും ഭാവ വ്യത്യാസം ഇല്ലെന്നും പോലീസ് പറഞ്ഞു.

ഇയാളുടെ പീഢനം സഹിക്കാതെ രണ്ടു വർഷം മുൻപ് സതീശന്റെ ഭാര്യ നിഷ ആത്മഹത്യ ചെയ്തിരുന്നു. സതീശന്റെ രണ്ടു പെൺമക്കളും നിഷയുടെ ഇരിട്ടി പയ്യഞ്ചേരിയിലെ വീട്ടിലേക്കു താമസം മാറിയതിനു ശേഷം രണ്ടു വർഷത്തോളമായി സതീശനും അമ്മയും മാത്രമാണ് വീട്ടിൽ താമസിച്ചിരുന്നത്.മാതൃ ദിനത്തിൽ തന്നെ വൃദ്ധയായ അമ്മയോട് ഇത്തരത്തിൽ ചെയ്തത് ആരെയും വേദനിപ്പിക്കും. എല്ലാവരും സ്വന്തം അമ്മമാരേ സോഷ്യൽ മീഡിയയിലും, വീട്ടിലും സമ്മാനവും, ആശംസകളും സ്നേഹത്തിലും വാരി പുണരുമ്പോൾ ആണ്‌ ഈ വാർത്തയും വരുന്നത്.