സിസി ടിവി തത്സമയം പരിശോധിക്കണമെന്നിരിക്കെ തിയേറ്റര് ഉടമ വീഴ്ച വരുത്തി ; പത്തുവയസുകാരി പീഡനത്തിനിരയായ സംഭവത്തില് തിയേറ്റര് ഉടമയെ രണ്ടാം പ്രതിയാക്കണമെന്ന് ലിബർട്ടി ബഷീർ
മലപ്പുറം ഏടപ്പാളില് സിനിമ തിയേറ്ററില് വച്ച് പത്തുവയസുകാരി പീഡനത്തിനിരയായ സംഭവത്തില് തിയേറ്റര് ഉടമയ്ക്കെതിരെ കേസെടുക്കണമെന്നു ലിബര്ട്ടി ബഷീര്. സിസി ടിവി തത്സമയം പരിശോധിക്കുന്നതിൽ തിയേറ്റര് ഉടമ വീഴ്ച്ചവരുത്തി എന്ന കാര്യം ചൂണ്ടിക്കാട്ടിയാണ് ലിബർട്ടി ബഷീറിന്റെ പ്രതികരണം. തിയേറ്റര് ഉടമയെ രണ്ടാം പ്രതിയാക്കണം എന്ന് ലിബര്ട്ടി ബഷീര് ആവശ്യപ്പെട്ടു.
സിസി ടിവി തത്സമയം പരിശോധിക്കണമെന്നിരിക്കെ ഇതിലാണു തിയേറ്റര് ഉടമ വീഴ്ച വരുത്തിയത്. ഉടമയെ മന്ത്രിയും മറ്റുള്ളവരും അഭിനന്ദിക്കുന്നത് അറിവില്ലായ്മകൊണ്ടാണ് എന്നും ലിബര്ട്ടി ബഷീര് പറയുന്നു.
തിയേറ്റര് ഉടമ ചെയ്തത് നിയമപ്രകാരം തെറ്റാണ്. ദിവസങ്ങള് കഴിഞ്ഞു പരിശോധിച്ചു പരാതി നല്കാനാണ് എങ്കില് സിസി ടിവി എന്തിനാണ് എന്ന് ലിബര്ട്ടി ബഷീര് ചോദിക്കുന്നു. പീഡന വിവരം പുറത്തു കൊണ്ടുവരാന് മുന്കൈ എടുത്ത തിയേറ്റര് ഉടമയെ അഭിനന്ദിച്ചു നിരവധി പേര് രംഗത്ത് എത്തിയ സാഹചര്യത്തിലാണു ലിബര്ട്ടി ബഷീറിന്റെ ഈ പ്രതികരണം.
മലപ്പുറത്തെ തിയേറ്ററില് നടന്ന സംഭവത്തെക്കുറിച്ച് ഏപ്രില് 26ന് ചൈല്ഡ് ലൈന് പ്രവര്ത്തകര് പൊലീസിനെ അറിയിച്ചിരുന്നെങ്കിലും കേസെടുത്തിരുന്നില്ല. സംഭവം ഇന്ന് വിവാദയായ പശ്ചാത്തലത്തില് പൊലീസ് കേസെടുക്കുകയും തുടര്ന്ന് പ്രതിയെ അറസ്ററ് ചെയ്യുകയുമായിരുന്നു.
https://www.facebook.com/Malayalivartha
