ജനകീയ പോലീസ് സിന്ദാബാദ് ; പോലീസ് അസോസിയേഷന് സമ്മേളനത്തില് ചുവപ്പന് സ്മൃതി മണ്ഡപം ഒരുക്കിയ സംഭവത്തില് പരിഹാസവുമായി അഡ്വക്കേറ്റ് എ. ജയശങ്കര്
പോലീസ് അസോസിയേഷന് സമ്മേളനത്തില് ചുവപ്പന് സ്മൃതി മണ്ഡപം ഒരുക്കിയ സംഭവത്തില് പരിഹാസവുമായി അഡ്വക്കേറ്റ് എ. ജയശങ്കര്. രക്തസാക്ഷി സ്തൂപത്തിന്റെ നിറം ചുവപ്പ് നിറത്തിലാക്കിയത് വിവാദമായിരുന്നു. രക്തസാക്ഷി സ്തൂപങ്ങളും ചട്ടവിരുദ്ധമായ പ്രവർത്തനങ്ങളും പൊലീസ് സമ്മേളനത്തിൽ പാടില്ലെന്ന് ഡിജിപിക്ക് കൈമാറിയ ഇന്റലിജൻസ് റിപ്പോർട്ടിന്റെ മഷിയുണങ്ങും മുമ്പാണ് വെള്ളിയാഴ്ച കേരളാ പോലീസ് അസോസിയേഷന്റെ 34 ാം സംസ്ഥാന സമ്മേളനത്തിലും ചുവന്ന രക്തസാക്ഷി സ്മാരകം ഉയരുമെന്ന പ്രഖ്യാപനം വന്നത്. ഇതിനെ പരിഹസിച്ചായിരുന്നു ജയശങ്കറിന്റെ പോസ്റ്റ്.
അഡ്വക്കേറ്റ് ജയശങ്കറിന്റെ പോസ്റ്റിന്റെ പൂര്ണ്ണ രൂപം ഇങ്ങനെ ;
രക്തസാക്ഷികള് സിന്ദാബാദ്!
രക്തപതാക സിന്ദാബാദ്!
രക്തപതാക തണലില് വിരിയും
വര്ഗ വികാരം സിന്ദാബാദ്!!
പോലീസ് അസോസിയേഷന് സംസ്ഥാന സമ്മേളനത്തില് ചുവപ്പന് സ്മൃതി മണ്ഡപം ഒരുക്കുന്നതിലും രക്തപുഷ്പാര്ച്ചന നടത്തുന്നതിലും രക്തസാക്ഷി പ്രമേയം അവതരിപ്പിക്കുന്നതിലും എന്താണ് തെറ്റ്? യാതൊരു തെറ്റുമില്ല.
ഇത് ഉമ്മന്-തിരുവഞ്ചൂര് കാലത്തെ മര്ദ്ദക പോലീസല്ല; കരുണാകരന്്റെ കാപാലിക സംഘവുമല്ല. പുതിയ കാലത്തെ പുതിയ പോലീസ്, പിണറായി വിജയന്റെ ജനകീയ പോലീസ്.
അടിയ്ക്കാത്ത, ഇടിയ്ക്കാത്ത, ഉരുട്ടാത്ത പോലീസ്, കൈക്കൂലി വാങ്ങാത്ത പോലീസ്. കളളവുമില്ല ചതിയുമില്ല കസ്റ്റഡി മരണങ്ങള് കേള്പ്പാനില്ല.
ലാത്തിയ്ക്കു പകരം പുല്ലാങ്കുഴല്, മര്ദ്ദനത്തിനു പകരം മാനസാന്തരം, കാക്കിയ്ക്കു പകരം കടുംചുവപ്പ്.
ജനകീയ പോലീസ് സിന്ദാബാദ്!
https://www.facebook.com/Malayalivartha
