മലപ്പുറത്ത് മൊയ്തീൻ കുട്ടിയെന്ന വ്യവസായ പ്രമുഖൻ സിനിമ തീയേറ്ററിൽ വച്ച് 10 വയസുകാരി പെൺകുട്ടിയെ പീഡിപ്പിക്കുന്ന ദൃശ്യങ്ങൾ തീയേറ്റർ ഉടമ തന്നെ പുറത്ത് വിട്ടതോടെയാണ് സംഭവം ലോകമറിയുന്നത് . ഇത് സമൂഹത്തിൽ വലിയ ചർച്ചയായതോടെ സിനിമ തീയേറ്ററുകളിൽ നടക്കുന്ന അനാശാസ്യ പ്രവർത്തനങ്ങൾ വെളിച്ചത് കൊണ്ടുവരാൻ ശ്രമിക്കുകയാണ് പോലീസ് . സിനിമ തീയേറ്ററുകൾ നവീകരിക്കുന്നതിന്റെയും സുരക്ഷയുടെയും ഭാഗമായി മിക്കവാറും തീയേറ്ററുകളിലും സി സി ടി വി ക്യാമറകളുണ്ട്. എന്നാൽ ഇതൊന്നും അറിയാതെ പല ഇണക്കുരുവികളും തീയേറ്ററുകളെ താത്കാലിക ലോഡ്ജാക്കി മാറ്റാറുണ്ട്.

കാലാകാലങ്ങളിലായി സിനിമാ തീയേറ്ററുകളിൽ നിരവധി അനാശാസ്യ പ്രവർത്തനങ്ങളും പ്രകൃതി വിരുദ്ധ പ്രവർത്തനങ്ങളുമാണ് നടന്നു വരുന്നത്. ഇരുട്ടിന്റെ മറവിൽ ഒരുമിച്ച് സല്ലപിക്കാനുള്ള വഴിയായാണ് പല ഇണ കുരുവികളും തീയേറ്ററുകളെ കാണുന്നത് . കേവലം ഇരുനൂറു രൂപ ടിക്കറ്റ് മുടക്കിയാൽ ഇരുട്ടിന്റെ മറവിൽ എല്ലാമാകാമെന്ന് ചിന്തിക്കുന്നവരാണ് ഇതിൽ ഏറെപേരും. തിരക്കില്ലാത്ത സിനിമകൾ കാണാനായിരിക്കും ഇവർ ശ്രമിക്കുന്നത്. പ്രത്യേകിച്ചും നൂൺ ഷോയിലും മാറ്റിനി ഷോയിലും ആയിരിക്കും ഇത്തരക്കാരുടെ വിളയാട്ടം. ജോലിക്കും, പഠിക്കാനും പോകുന്നെന്ന വ്യാജേനയാണ് തീയേറ്ററിലേയ്ക്ക് എത്തുന്നതും തിരിച്ച് പോകുന്നതും. അതേ സമയം സെക്കന്റ് ഷോകളുൾപ്പടെ ഉള്ള സമയങ്ങളിലും പ്രകൃതി വിരുദ്ധ പ്രവർത്തനങ്ങൾ നടക്കുന്നുണ്ട്. ഇതെല്ലം ഉടമകൾക്കുമറിയാം ജീവനക്കാർക്കും അറിയാം.

ഇതുകൂടാതെയാണ് മാന്യമായി സിനിമ കാണാൻ വരുന്ന പെൺകുട്ടികളെയും കുടുംബ സമേതം എത്തുന്നവരെയും  ഒരുകൂട്ടം ആളുകൾ ശല്യപ്പെടുതുന്നത്. ഇതെല്ലം സി സി ടി വിയിൽ പതിഞ്ഞിട്ടുമുണ്ട് . അപൂർവം ചിലരൊക്കെ പരാതിപ്പെടാറുണ്ടെങ്കിലും നാണക്കേടോർത്ത് ആരും പോലീസിൽ പരാതി നൽകാറില്ല. അതെ സമയം എന്തെങ്കിലും പ്രശ്നങ്ങൾ ഉണ്ടായാൽ പല തീയേറ്ററുകാരും കോംപ്രമൈസ് ചെയുന്ന അവസ്ഥയും ഉണ്ട്. ഇത്തരത്തിൽ പലതരത്തിലുള്ള അനാശാസ്യ പ്രവർത്തനങ്ങൾ നടത്തിയ ആൾക്കാരെ സമൂഹ മധ്യത്തിൽ കൊണ്ടുവരാൻ ശ്രമിക്കുകയാണ് പോലീസുകാർ. ഇതോടെ ചുറ്റിക്കളിക്ക് ഇറങ്ങി തിരിച്ചവരെല്ലാം അങ്കലാപ്പിലാണ്.

സി സി ടി വി ദൃശ്യങ്ങൾ ഉദ്യോഗസ്ഥർ ചികഞ്ഞെടുക്കാൻ തുടങ്ങിയാൽ പല പകൽമാന്യന്മാരും തലയിൽ മുണ്ടിട്ട് ഇറങ്ങേണ്ടിവരും. കേരളത്തെ ഏറെ നാണം കെടുത്തിയ മലപ്പുറം തീയേറ്റർ പീഡനത്തോടെ പോലീസും ഉണർന്ന് പ്രവർത്തിക്കാൻ തുടങ്ങിയിട്ടുണ്ട്. ഇതിന്റെ ഭാഗമായാണ് തീയേറ്ററിനുള്ളിലെ സി സി ടി വി ദൃശ്യങ്ങൾ പോലീസ് വിശദമായി പരിശോധിക്കാൻ തുടങ്ങുന്നത്. ചിലപ്പോൾ പരാതികളില്ലാതെ മുങ്ങിപ്പോയ ഒരുപാടു മൊയ്തീൻകുട്ടിമാരെ തപ്പിയെടുക്കാൻ കേരളം പോലീസ് കച്ചകെട്ടി ഇറങ്ങിയെന്നും ഇരിക്കും.