പയ്യന്നൂരില്‍ ബി.ജെ.പി ഓഫീസിനു നേരെ ബോംബേറ്. പയ്യന്നൂര്‍ നിയോജക മണ്ഡലം ഓഫീസ് പ്രവര്‍ത്തിക്കുന്ന മാരാര്‍ജി മന്ദിരത്തിന് നേരയാണ് ബോംബേറ് നടന്നത്. രാവിലെ പതിനൊന്നരയോടെയാണ് സംഭവം. വാഹനത്തിലെത്തിയവരാണ്​ ബോംബെറിഞ്ഞത്.

രാവിലെ ഒമ്ബതു മണിക്ക് സി.പി.എം പ്രവര്‍ത്തകന്‍ ഷിനുവിന് നേരെ അക്രമം നടന്നിരുന്നു. ഇതിനു പിന്നാലെയാണ് ബോംബേറുണ്ടായത്​. ബി.ജെ .പി പ്രവര്‍ത്തകന്‍ രജിത്തിനു നേരെയും അതിക്രമം ഉണ്ടായി. പരിക്കേറ്റ ഇരുവരേയും പയ്യന്നൂരിലെ വ്യത്യസ്ത ആശുപത്രികളില്‍ പ്രവേശിപ്പിച്ചു. കൂടുതല്‍ അനിഷ്ട സംഭവങ്ങള്‍ ഒഴിവാക്കാന്‍ സ്ഥലത്ത് പൊലീസ് ക്യാമ്ബ് ചെയ്യുന്നുണ്ട്.