നിപ വൈറസ്‌ ബാധയെ പ്രതിരോധിക്കുന്നതില്‍ സംസ്‌ഥാന സര്‍ക്കാരും ആരോഗ്യ വകുപ്പും സ്വീകരിച്ച കാര്യക്ഷമമായ നടപടികളെ പുകഴ്‌ത്തി 'ദി ഹിന്ദു' പത്രം.പത്രത്തിന്റെ മുഖപ്രസംഗത്തിലാണ് കേരളസർക്കാരിനെ കാര്യക്ഷമതയെ പുകഴ്തിയിരിക്കുന്നത് . അസാധാരണമായ കാര്യക്ഷമതയോടെയാണ്‌ കേരളം വൈറസ്‌ പ്രതിരോധത്തിനായി ഉണര്‍ന്നു പ്രവര്‍ത്തിച്ചതെന്നും രോഗം കൂടുതല്‍ പടരാതിക്കാന്‍ ഈ പ്രവര്‍ത്തനങ്ങള്‍ സഹായകമായിയെന്നും മുഖപ്രസംഗത്തിൽ പറയുന്നു.

"ഇതുവരെ അസാധാരണമായ കാര്യക്ഷമതയോടെയാണ് കേരളത്തിന്റെ പൊതുജനാരോഗ്യ സംവിധാനം പ്രവര്‍ത്തിച്ചത് .രണ്ടാമത്തെ രോഗിയില്‍ തന്നെ വൈറസിനെ തിരിച്ചറിയാന്‍ കഴിഞ്ഞു. വികസിത രാജ്യങ്ങളില്‍ പോലും സാധ്യാമാകാത്ത വേഗത്തിലാണ് രോഗനിര്‍ണയം നടന്നത് . ഇത് പ്രശംസാര്‍ഹമാണ് " എന്ന് മുഖപ്രസംഗത്തിൽ പറയുന്നു.

അതേസമയം രോഗികളെ ശുശ്രൂഷിക്കുന്നവർ അടക്കമുള്ളവർ സ്വീകരിക്കേണ്ട സുരക്ഷാ പ്രതിരോധ മാര്‍ഗങ്ങളില്‍ കൂടി കേരളം കൂടുതല്‍ ശ്രദ്ധ പുലര്‍ത്തണമെന്ന് ഹിന്ദു ചൂണ്ടിക്കാട്ടുന്നു. ഇത് വേണ്ടത്ര ഉണ്ടായില്ലെന്നാണ് ഒരു നഴ്സിന്റെ മരണം സൂചിപ്പിയ്ക്കുന്നത് . ഈ വൈറസ് ബാധയ്ക്ക് കൃത്യമായ ചികിത്സയില്ല. പടരുന്നത്‌ തടയുക എന്നതാണ് പ്രധാനം. അക്കാര്യം ഉറപ്പുവരുത്തണം എന്ന് മുഖപ്രസംഗത്തിൽ പറയുന്നു.