തര്‍ക്കം നിലനില്‍ക്കുന്ന പിറവം പള്ളി ഓര്‍ത്തഡോക്‌സ് സഭയ്ക്ക് വിട്ട് കൊടുക്കാമെന്ന് സര്‍ക്കാര്‍ ഉറപ്പ് നല്‍കിയിട്ടില്ലെന്ന് മുഖ്യമന്ത്രി പിണറായി വിജയന്‍ ശ്രേഷ്ഠ കത്തോലിക്ക ബാവയ്ക്ക് ഉറപ്പ് നല്‍കിയതായി സഭാ വൃത്തങ്ങള്‍. അങ്ങനെ ചെങ്ങന്നൂരില്‍ ഓര്‍ത്തഡോക്‌സ് സഭ സി.പി.എമ്മുമായി ഇടഞ്ഞു
ഓര്‍ത്തഡോക്‌സ്, യാക്കോബായ സഭകള്‍ തമ്മില്‍ തര്‍ക്കം നിലനില്‍ക്കുന്ന പിറവം പള്ളി സംബന്ധിച്ച സര്‍ക്കാര്‍ തീരുമാനം ചെങ്ങന്നൂര്‍ ഉപതെരഞ്ഞെടുപ്പില്‍ സി.പി.എമ്മിന് തിരിച്ചടിയായേക്കും. ഉപതെരഞ്ഞെടുപ്പിന് ശേഷം പള്ളി ഏറ്റെടുക്കാനുള്ള സൗകര്യം ചെയ്്തു കൊടുക്കാമെന്ന് സ്ഥാനാര്‍ത്ഥി സജി ചെറിയാനും സി.പി.എം സംസ്ഥാന സെക്രട്ടറി പിണറായി വിജയനും ഉറപ്പ് നല്‍കിയിരുന്നെന്ന് ഉറപ്പ് നല്‍കിയതായാണ് ഓര്‍ത്തഡോക്‌സ് സഭാ വിശ്വാസികള്‍ പ്രചരിപ്പിച്ചത്.
ഇതോടെ ഓര്‍ത്തഡോക്‌സ് വിശ്വാസികള്‍ എല്‍.ഡി.എഫിനെ പിന്തുണയ്ക്കാന്‍ തീരുമാനിച്ചു. മണ്ഡലത്തില്‍ ഓര്‍ത്തഡോക്‌സ് വോട്ടുകള്‍ നിര്‍ണായകമാണ്. ഇത് യു.ഡി.എഫിന് വലിയ തിരിച്ചടിയായിരുന്നു. ഓര്‍ത്തഡോക്‌സ്- യാക്കോബായ സഭകള്‍ തമ്മില്‍ പിറവം പള്ളിയെ ചൊല്ലി വര്‍ഷങ്ങളായി തര്‍ക്കം നിലനില്‍ക്കുകയാണ്. അടുത്തിടെ ഓര്‍ത്തഡോക്‌സ് സഭയ്ക്ക് അനുകലമായി സുപ്രീംകോടതി വിധി വന്നിരുന്നു. ഇതോടെയാണ് പള്ളി ഏറ്റെടുക്കാനുള്ള സൗകര്യം ഒരുക്കാമെന്ന് സി.പി.എം ഉറപ്പ് നല്‍കിയതെന്ന് സഭാ വിശ്വാസികള്‍ പ്രചരിപ്പിച്ചത്. ഇത് സി.പി.എമ്മുകാരായ സഭാ വിശ്വാസികളുടെ തന്ത്രമായിരുന്നെന്നും സൂചനയുണ്ട്.
പള്ളി ഓര്‍ത്തഡോക്‌സ് സഭയ്ക്ക് വിട്ട് കൊടുക്കാന്‍ സര്‍ക്കാര്‍ തീരുമാനിച്ചെന്ന വാര്‍ത്ത യാക്കോബായ സഭാ അധ്യക്ഷന്‍മാരുടെ ചെവിയിലെത്തി. ഇതേ തുടര്‍ന്ന് ശ്രേഷ്ഠ കത്തോലിക്ക ബാവ കേരളത്തിലെത്തിയപ്പോള്‍ സഭയിലെ മറ്റ് വൈദികര്‍ അദ്ദേഹത്തിനൊപ്പം മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തി. ചെങ്ങന്നൂര്‍ ഉപതെരഞ്ഞെടുപ്പ് അടക്കം പല വിഷയങ്ങളും ഒരു മണിക്കൂറിലധികം നടന്ന കൂടിക്കാഴ്ച്ചയില്‍ ചര്‍ച്ചയ്ക്ക് വന്നു. പിറവം പള്ളി ഓര്‍ത്തഡോക്‌സ് സഭയ്ക്ക് വിട്ട്‌കൊടുക്കുന്നത് സംബന്ധിച്ച് തീരുമാനം എടുത്തിട്ടില്ലെന്നും അങ്ങനെയുള്ള പ്രചരണം തെറ്റാണെന്നും മുഖ്യമന്ത്രി പറഞ്ഞതായി യാക്കോബായ സഭാ വൃത്തങ്ങള്‍ പറയുന്നു. ഭൂരിപക്ഷം വിശ്വാസികളുടെ തീരുമാനം മാനിച്ചാകും സര്‍ക്കാര്‍ നിലപാട് എടുക്കുകയെന്നും മുഖ്യമന്ത്രി പാത്രിയര്‍ക്കീസ് ബാവയ്ക്ക് ഉറപ്പ് നല്‍കിയതായി ഇവര്‍ പറയുന്നു.
മുഖ്യമന്ത്രി നല്‍കിയ ഉറപ്പ് നല്‍കിയെന്ന പ്രചരണം ഇന്ന് ചെങ്ങന്നൂരിലെ ഓര്‍ത്തഡോക്‌സ് സഭാമേലധ്യക്ഷന്‍മാരുടെ ചെവിയിലെത്തി. ഇതോടെ എല്‍.ഡി.എഫിനൊപ്പം നിന്ന അവര്‍ ഇടഞ്ഞിരിക്കുകയാണ്. തങ്ങളോട് സി.പി.എം വിശ്വാസവഞ്ചന കാട്ടിയെന്നാണ് അവരുടെ ആരോപണം. ഇതേക്കുറിച്ച് പരസ്യപ്രതികരണം നടത്താന്‍ അവര്‍ തയ്യാറായിട്ടില്ല. എന്നാല്‍ വോട്ടെടുപ്പില്‍ ഇത് പ്രതിഫലിക്കുമെന്ന് ഉറപ്പാണ്. പ്രചരണത്തിന്റെ അവസാനഘട്ടം വരെ ഏകപക്ഷീയമായി മുന്നേറിയ എല്‍.ഡി.എഫ് അന്തിമനിമിഷങ്ങളില്‍ പള്ളി വിഷയം തിരിച്ചടിയായിരിക്കുകയാണ്. എന്നാല്‍ ഓര്‍ത്തഡോക്‌സ് സഭാമേലധ്യക്ഷന്‍മാരുമായി സി.പി.എം നേതാക്കാള്‍ രഹസ്യകൂടിക്കാഴ്ച നടത്തി പ്രശ്‌നം പരിഹരിക്കാനുള്ള നീക്കം നടക്കുന്നുണ്ടെന്ന് അറിയുന്നു.
വീഡിയോ കാണാം.....
https://www.facebook.com/Malayalivartha
