വരാപ്പുഴ കസ്റ്റഡി മരണത്തെ കുറിച്ച് സഭ നിറുത്തിവച്ച് ചര്ച്ച ചെയ്യണമെന്ന് ആവശ്യപ്പെട്ട് കൊണ്ടുവന്ന അടിയന്തരപ്രമേയ നോട്ടീസിന് അവതരണാനുമതി നിഷേധിച്ചതിനെ തുടര്ന്ന് നിയമസഭയില് പ്രതിപക്ഷ ബഹളം
വരാപ്പുഴ കസ്റ്റഡി മരണത്തെ കുറിച്ച് സഭ നിറുത്തിവച്ച് ചര്ച്ച ചെയ്യണമെന്ന് ആവശ്യപ്പെട്ട് കൊണ്ടുവന്ന അടിയന്തരപ്രമേയ നോട്ടീസിന് അവതരണാനുമതി നിഷേധിച്ചതിനെ തുടര്ന്ന് നിയമസഭയില് പ്രതിപക്ഷ ബഹളം. നടുത്തളത്തിലിറങ്ങി മുദ്രാവാക്യം വിളിച്ച പ്രതിപക്ഷം സ്പീക്കറുടെ കാഴ്ച മറയ്ക്കുന്ന തരത്തില് ബാനറും ഉയര്ത്തി. ബഹളത്തെ തുടര്ന്ന് താല്ക്കാലികമായി സഭ സ്പീക്കര് നിറുത്തിവച്ചു. പ്രതിപക്ഷത്ത് നിന്ന് വി.ഡി.സതീശനാണ് അടിയന്തരപ്രമേയത്തിന് അനുമതി തേടിയത്.
എന്നാല് ഈ വിഷയം കോടതിയുടെ പരിഗണനയില് ആണെന്നും അതിനാല് അടിയന്തരപ്രമേയത്തിന് അനുമതി നല്കാനാവില്ലെന്നും സ്പീക്കര് പി.ശ്രീരാമകൃഷ്ണന് റൂളിംഗ് നല്കി. ഇതില് പ്രതിഷേധിച്ചാണ് പ്രതിപക്ഷം മുദ്രാവാക്യം വിളികളുമായി നടുത്തളത്തില് ഇറങ്ങിയത്.
അംഗങ്ങളോട് ശാന്തരാകാന് സ്പീക്കര് ആവശ്യപ്പെട്ടെങ്കിലും പ്രതിപക്ഷം വഴങ്ങിയില്ല. സഭ സുഗമമായി നടക്കാന് പ്രതിപക്ഷം സഹകരിക്കണമെന്ന് സ്പീക്കര് അഭ്യര്ത്ഥിച്ചെങ്കിലും ഫലമുണ്ടായില്ല. തുടര്ന്നാണ് സഭ നിറുത്തിവയ്ക്കുന്നതായി സ്പീക്കര് പ്രഖ്യാപിച്ചത്. അതിന്ശേഷം കക്ഷി നേതാക്കളെ സ്പീക്കര് ചര്ച്ചയ്ക്ക് വിളിച്ചു.
https://www.facebook.com/Malayalivartha
