പൊലീസിലെ ചിലര്ക്ക് സ്ഥലജല വിഭ്രാന്തിയാണോ എന്ന് സംശയമുണ്ടെന്നും കുറ്റവാളികളെ കുടുക്കുവാന് തെളിവുകള് നല്കി മാതൃക കാട്ടിയ തിയേറ്റര് ഉടമയ്ക്കെതിരെ കള്ളക്കേസ് എടുത്തെന്ന വാര്ത്ത ഞെട്ടിച്ചെന്നും പന്ന്യന്
സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണനും സി.പി.ഐ സംസ്ഥാന സെക്രട്ടറി കാനംരാജേന്ദ്രനും പിന്നാലെ മുഖ്യമന്ത്രി പിണറായി വിജയന്റെ പൊലീസിനെതിരെ രൂക്ഷവിമര്ശനവുമായി സി.പി.ഐ മുന് സംസ്ഥാന സെക്രട്ടറി പന്ന്യന് രവീന്ദ്രനും രംഗത്തെത്തി. കുറ്റക്കാരായ പൊലീസുകാരെ സസ്പെന്റ് ചെയ്തത് കൊണ്ട് മാത്രം കാര്യമില്ലെന്ന് പന്ന്യന് വ്യക്തമാക്കി. കൊള്ളക്കും കൊലക്കും മാനഭംഗത്തിനും തട്ടിക്കൊണ്ടു പോക്കിനും കൊച്ചു കുടികളെ പോലും പീഠിപ്പിക്കാന് കൂട്ടും നില്ക്കുന്ന സാമൂഹ്യ വിരൂദ്ധരായ പോലീസുകാരെ സര്വ്വീസില് നിന്നും പുറത്താക്കണമെന്നും അദ്ദേഹം ആവശ്യപ്പെട്ടു.
പൊലീസ് സേനയെ ശുദ്ധീകരിക്കണമെന്നും അതിനായി കേരള സര്വ്വീസ് റൂളിലും പൊലീസ് റുളിലും ഭേദഗതി വരുത്തണമെന്നും പന്ന്യന് ആവശ്യപ്പെട്ടു. മാത്രമല്ല ക്രിമിനല് പ്രൊസീജിയര് കോഡ് അനുസരിച്ച് കുറ്റക്കാരായ പൊലീസുകാര്ക്കെതിരെ കേസെടുത്തു തൂറുങ്കിലടക്കണം, കുറ്റവാളിക്കൂട്ടങ്ങളായ പൊലീസുകാരെ നിലക്ക് നിര്ത്താന് കടുത്ത നടപടികള് വേണം. പൊലീസിലെ ചിലര്ക്ക് സ്ഥലജല വിഭ്രാന്തിയാണോ എന്ന് സംശയമുണ്ട്. മലപ്പുറം ജില്ലയിലെ. 10 വയസുകാരിയെ പീഡിപ്പിച്ച സംഭവത്തില് പ്രതി നല്കിയ പാരിതോഷികത്തിന്റെ ബലത്തില് കേസ് തേയ്ച്ച് മായ്ച്ച് കളയാന് പൊലീസ് ശ്രമിച്ചു. കുറ്റവാളികളെ കുടുക്കുവാന് തെളിവുകള് നല്കി മാതൃക കാട്ടിയ തിയറ്റര് ഉടമക്കെതിരായി കള്ളേക്കേസ്സെടുത്തുവെന്ന വാര്ത്ത ഞെട്ടിക്കുന്നതാണ്.
പൊലീസില് ജോലി കിട്ടിയാല് എന്തും ചെയ്യാനും അധികാരമുണ്ടെന്ന ധാരണയാണോ? ഇത് വെള്ളരിക്കാപട്ടണമാണോ ? കേരള ഗവര്മെന്റിന്റെ മേല് കരി വാരിതേക്കുവാനുള്ള ശ്രമമാണോ, എന്തായാലും ഇത്തരം പൊലീസുകാര് നാടിന് അപമാനമാണ്. ഇവരോട് ഒരു ദാക്ഷിണ്യവും പാടില്ല , മുറപോലെ ചെയ്യുന്ന സസ്പെന്ഷന് കൊണ്ട് ഒരു കാരൃവും ഇല്ല. അത് പൊലീസുകാര്ക്ക് നേരത്തെ അറിയാം, എന്ത് ചെയ്താലും കൂടിയാല് ഒരു സസ്പെന്ഷന്, അതില് കൂടൂതല് വരില്ലെന്ന്. അതു കൊണ്ട്, കുറ്റക്കാരായ പൊലീസുകാര്ക്കെതിരെ കര്ശനമായ നടപടി സ്വീകരിക്കണമെന്നും പന്ന്യന് ആവശ്യപ്പെട്ടു.
https://www.facebook.com/Malayalivartha
