തോക്കിന്മുനയില് യുവതിയെ ബന്ദിയാക്കി; പ്രതിയെ സ്ത്രീകളെക്കൊണ്ട് തല്ലിച്ച് പൊലീസ്
ഭോപ്പാലില് ആണ് കഴിഞ്ഞ ദിവസം സംഭവം അരങ്ങേറിയത്. യുപി സ്വദേശി രോഹിത് സിങ്ങാണ് വിവാദ നായകന്. തോക്കിന് പകരം സത്രീകളുടെ ചെരുപ്പ് പ്രയോഗം ശരിക്കും യുവാവിനെ അവശനാക്കി. നഗരത്തിലെ ഫ്ലാറ്റില് കടന്നുകയറി മോഡലിങ് രംഗത്തു പ്രവര്ത്തിക്കുന്ന യുവതിയെ തോക്കുചൂണ്ടി ബന്ദിയാക്കിയ ചെറുപ്പക്കാരനെ പൊലീസിന്റെ സാന്നിധ്യത്തില് സ്ത്രീകള് ചെരിപ്പൂരി അടിച്ചു. തന്നെ വിവാഹം ചെയ്യണമെന്നാവശ്യപ്പെട്ടാണ് വെള്ളിയാഴ്ച പകല് മുഴുവന് യുവതിയെ ഇയാള് ഫ്ലാറ്റില് പൂട്ടിയിട്ടത്.
നീണ്ട ചര്ച്ചകള്ക്കു ശേഷം യുവതിയെ മോചിപ്പിക്കാനും കീഴടങ്ങാനും തയാറായ യുപി സ്വദേശി രോഹിത് സിങ്ങിനെ കോടതിയില് ഹാജരാക്കുന്നതിനു മുന്പ് കുറ്റകൃത്യം നടന്ന മിസ്രോദ് മേഖലയിലൂടെ പൊലീസ് പരസ്യമായി നടത്തുകയും സ്ത്രീകളെക്കൊണ്ട് പൊതിരെ തല്ലിക്കുകയുമായിരുന്നു. അഞ്ചാം നിലയിലെ ഫ്ലാറ്റില് ഗോവണി വച്ചു കയറി ജനാലയിലൂടെ യുവാവുവായി സംഭാഷണം നടത്തി. ഉപദ്രവിക്കില്ലെന്നു പൊലീസ് ഉറപ്പു കൊടുത്തതോടെ സന്ധ്യയോടെ യുവതിയെ ഇയാള് മോചിപ്പിച്ചു. വിവാഹത്തിനു വിസമ്മതിച്ചാല് യുവതിയെ വെടിവച്ചു കൊന്ന ശേഷം ആത്മഹത്യ ചെയ്യാനായിരുന്നു പദ്ധതി. ബന്ദി നാടകത്തിലൂടെ പ്രശസ്തനാവുമെന്നു കരുതിയതായും പ്രതി സമ്മതിച്ചു.
പ്രതി കത്രിക കൊണ്ടു കഴുത്തില് മുറിവേല്പിച്ച ഇരുപത്തിയാറുകാരിയായ യുവതി ആശുപത്രിയിലാണ്. വെള്ളിയാഴ്ച രാവിലെ യുവതിയുടെ പിതാവ് കടയില് പോകാന് പുറത്തിറങ്ങിയ നേരത്താണ് ഇയാള് ഫ്ലാറ്റില് കയറിയത്. തുടര്ന്ന് യുവതിയെയും കൊണ്ട് ഒരു മുറിയില് കയറി കുറ്റിയിട്ടശേഷം ദൃശ്യങ്ങള് പകര്ത്തി മാധ്യമപ്രവര്ത്തകര്ക്ക് അയച്ചുകൊടുത്തു. ബന്ദി നാടകം വന് വാര്ത്തയായതോടെ പൊലീസ് പാഞ്ഞെത്തി.
https://www.facebook.com/Malayalivartha