ഉടുക്കാന് നല്ലൊരു കുപ്പായം ഇല്ലാതിരുന്നിട്ടുപോലു തനിക്ക് കളഞ്ഞുകിട്ടിയ 50,000 രൂപ തിരിച്ചുകൊടുത്ത ആ കുഞ്ഞു വലിയ മനസ്സിനെ തേടി രജനി എത്തി; ഒപ്പം ഇനിമുതല് അവന് എല്ലാം നല്കുമെന്ന ഉറപ്പും
പട്ടിണിയുടെയും ദാരിദ്രത്തിന്റെയും പടുകുഴിയില് ജീവിക്കുകയാണ് മുഹമ്മദ് യാസിന് എന്ന ബാലന്. ഇക്കഴിഞ്ഞ ബുധനാഴ്ചയാണ് ഈ രണ്ടാംക്ലാസ് വിദ്യാര്ഥിക്ക് പണമടങ്ങിയൊരു ബാഗ് കിട്ടിയത്. വീട്ടിലെ പട്ടിണിയും കഷ്ടപ്പാടുമൊന്നും അവന്റെ ഓര്മയില് വന്നില്ല. ഇത് തനിക്ക് അവകാശപ്പെട്ടതല്ല. നഷ്ടപ്പെട്ട പണത്തെ ഓര്ത്ത് യഥാര്ഥ അവകാശി എവിടെയോ വിഷമിക്കുന്നുണ്ടാകും. ആ ചിന്തയാണ് യാസിന്റെ മനസിലൂടെ കടന്നുപോയത്. അവന് പണമടങ്ങിയ ബാഗ് തന്റെ ക്ലാസ് ടീച്ചറെ ഏല്പ്പിച്ചു. അന്പതിനായിരം രൂപ ആ ബാഗിലുണ്ടായിരുന്നു. പിന്നീട് അധ്യാപകര് തന്നെ യാസിനെയും കൂട്ടി പൊലീസ് സ്റ്റേഷനിലെത്തി ബാഗ് കൈമാറി. ധരിക്കാന് വൃത്തിയുള്ള വസ്ത്രങ്ങള് പോലും ഇല്ലാത്ത ആ ബാലന്റെ സത്യസന്ധത സമൂഹ മാധ്യമങ്ങളില് പങ്കുവച്ചതോടെ അവന് ലോകത്തിന് ഒരു വലിയ മാതൃകയാകുകയായിരുന്നു.
കടുത്ത ദാരിദ്രത്തിലായിരുന്നെങ്കിലും തന്നിലെ സത്യസന്തതയെ മുറുകെ പിടിച്ച മുഹമ്മദ് യാസിന് എന്ന ഏഴു വയസ്സുകാരന് സോഷ്യല് മീഡിയയുടെ നിറഞ്ഞ കയ്യടിയാണ് ലഭിച്ചത്. കളഞ്ഞുകിട്ടിയ 50,000 രൂപ തിരിച്ചുകൊടുത്ത ആ കുഞ്ഞു വലിയ മനസ്സിനെ തേടി സാക്ഷാല് രജനിയുമെത്തി. സ്വന്തം മകനെപ്പോലെ അവനെ ഇനി താന് നോക്കുമെന്ന് ഉറപ്പും നല്കി. അവന് മടക്കി നല്കിയത് വെറും അന്പതിനായിരം രൂപയായിരുന്നില്ല, തികഞ്ഞ സത്യസന്ധതയും നന്മയുമായിരുന്നു. അഭിനന്ദനം കൊണ്ട് മൂടിയ രജനി അവനെ ചേര്ത്ത് നിര്ത്തി പറഞ്ഞു, 'ഇവന് എനിക്ക് ഇനി മകനെ പോലയാണ്. ഇവനെ ഞാന് പഠിപ്പിക്കും. ഇവന്റെ വിദ്യാഭ്യാസത്തിന്റെ പൂര്ണചെലവും ഞാന് വഹിക്കും. എന്തു പഠിക്കണമെന്ന് അവന് തീരുമാനിക്കട്ടെഎന്നു രജനി പറഞ്ഞു...നി രജനികാന്തിന്റെ മാനസപുത്രനായി അവന് പഠിച്ചുയരും.
https://www.facebook.com/Malayalivartha
