സൂപ്പര്‍താരങ്ങളുടെ പാര്‍ട്ടിയില്‍ ചേരാന്‍ തമിഴ്‌നാടിന്റെ ഗ്രാമീണമേഖലകളില്‍ നിന്ന് ആളെക്കിട്ടുന്നില്ല. രജനികാന്തിന്റെ ഇനിയും പേര് പ്രഖ്യാപിക്കാത്ത പാര്‍ട്ടിയും കമല്‍ഹാസന്റെ മക്കള്‍ നീതി മയ്യവും ഗ്രാമീണമേഖലകളില്‍ ചുവടുറപ്പിക്കാന്‍ പ്രയാസപ്പെടുകയാണെന്ന് പാര്‍ട്ടികള്‍ക്കുള്ളില്‍ നിന്നുതന്നെയുള്ള സൂചനകള്‍.

തങ്ങളുടെ പാര്‍ട്ടികളില്‍ ചേരുന്നതില്‍ നിന്ന് ജനങ്ങളെ പിന്തിരിപ്പിക്കാന്‍ ഡിഎംകെയും എഐഡിഎംകെയും പരമാവധി ശ്രമിക്കുന്നത് കൊണ്ടാണ് പ്രതിസന്ധിയെന്ന് കമലും രജനിയും പറയുന്നുണ്ടെങ്കിലും സത്യം അതല്ലെന്ന് റിപ്പോര്‍ട്ടുകള്‍ പറയുന്നത്. അതേസമയം, താര പാര്‍ട്ടികള്‍ക്ക് തങ്ങള്‍ വിലങ്ങുതടിയാവുകയാണെന്ന ആരോപണം ഡിഎംകെയും നിഷേധിക്കുന്നുണ്ട്. ഒരു ജനാധിപത്യ രാജ്യത്ത് ആര്‍ക്കും ഏത് പാര്‍ട്ടിയിലും അംഗമാകാനുള്ള സ്വാതന്ത്ര്യമുണ്ടെന്നും തങ്ങളാരെയും താര പാര്‍ട്ടികളില്‍ അംഗമാകുന്നതില്‍ നിന്ന് പിന്തിരിപ്പിക്കുന്നില്ലെന്നും ഡിഎംകെ യുടെ പ്രതികരണം 

2017 ഡിസംബറില്‍ രാഷ്ട്രീയപ്രവേശം പ്രഖ്യാപിച്ച രജനികാന്ത് ഇനിയും തന്റെ പാര്‍ട്ടി പ്രഖ്യാപിച്ചിട്ടില്ലെങ്കിലും രജനിഫാന്‍സിന്റെ സംഘടനയായ രജനി മക്കള്‍ മണ്ട്രത്തിന്റെ നേതൃത്വത്തില്‍ വിപുലമായ ക്യാമ്പയിനുകളാണ് നടക്കുന്നത്. തമിഴ്‌നാട്ടില്‍ 65,000 പോളിംഗ് ബൂത്തുകളാണുള്ളത്. ഇതില്‍ 37,000 ഇടങ്ങളില്‍ മാത്രമേ തങ്ങള്‍ക്ക് യൂണിറ്റുകള്‍ രൂപീകരിക്കാനായിട്ടുള്ളെന്ന് രജനി മക്കള്‍ മണ്ട്രം നേതാവ് രജിനി ഗുപേന്ദ്രന്‍ പറയുന്നു. ജനങ്ങളെ പാര്‍ട്ടിയിലേക്ക് ആകര്‍ഷിക്കാന്‍ നിരവധി പദ്ധതികളാണ് തങ്ങള്‍ ആവിഷ്‌കരിച്ചിട്ടുള്ളതെന്നും അദ്ദേഹം പറയുന്നു. എന്നാല്‍ ഗ്രാമങ്ങളിലെ പ്രവര്‍ത്തനം ഊര്‍ജിതമല്ലാത്തതാണ് അണികളെ കിട്ടാത്തതെന്നാണ് ഊര്‍ജിതം. അവര്‍ക്ക് ആദര്‍ശങ്ങളിലും വാഗ്ദാനങ്ങളിലും വിശ്വാസമില്ല. അതുകൊണ്ടുതന്നെ ക്യാമ്പൈനിങ്ങ് ഗുണകരമാകുന്നില്ല

അത്സമയം 2018 ഫെബ്രുവരിയില്‍ നിലവില്‍ വന്ന കമല്‍ഹാസന്റെ മക്കള്‍ നീതി മയ്യത്തിന്റെ അവസ്ഥ ഇതിനെക്കാള്‍ പരിതാപകരമാണ്. രജനി മക്കള്‍ മണ്ട്രം തങ്ങള്‍ക്കിതുവരെ 50 ലക്ഷത്തോളം അംഗങ്ങളുണ്ടെന്ന് പറയുന്നു. എന്നാല്‍,അക്കാര്യത്തിലും മക്കള്‍ നീതി മയ്യത്തിന്റെ അവസ്ഥ പരുങ്ങലിലാണെന്ന് റിപ്പോര്‍ട്ട്. ഗ്രാമപ്രദേശങ്ങളില്‍ അണികളില്ലാതെ തങ്ങള്‍ ബുദ്ധിമുട്ടുകയാണെന്ന് മക്കള്‍ നീതി മയ്യത്തിന്റെ പേര് വെളിപ്പെടുത്താനാഗ്രഹിക്കാത്ത നേതാക്കള്‍ പറയുന്നത്