ടെക്കി ദമ്പതികളുടെ മൃതദേഹം വീട്ടില് അഴുകിയ നിലയില്
ടെക്കി ദമ്പതികളുടെ മൃതദേഹം വീട്ടില് അഴുകിയ നിലയില്. ഹൈദരാബാദില് അശോക് നഗറിലെ വീട്ടിനുള്ളിലാണ് ദമ്പതികളെ മരിച്ച നിലയില് കണ്ടെത്തിയത്. മൃതദേഹങ്ങള്ക്ക് മൂന്ന് ദിവസം പഴക്കമുണ്ട്. വ്യാഴാഴ്ച രാവിലെയാണ് സംഭവം പുറത്തറിഞ്ഞത്. രണ്ട് എം.എന്.സികളില് ജോലി ചെയ്യുന്ന ടെക്കി ദമ്പതികള് കീടനാശിനി കഴിച്ചാണ് ജീവനൊടുക്കിയത്.
നവീന് യാദവ് (26), ഭാര്യ സ്വപ്ന (26) എന്നിവരാണ് മരിച്ചത്. കഴിഞ്ഞ വര്ഷം മെയ് മാസത്തില് വിവാഹിതരായ ഇരുവരും തമ്മില് കലഹം പതിവായിരുന്നു. ദമ്പതികള്ക്കിടയിലെ കലഹം ഇവരുടെ വീട്ടുകാര് തമ്മിലും ഭിന്നതയിലാകുന്നതിന് കാരണമായി. പരസ്പരമുള്ള വഴക്കില് മനംമടുത്ത് ഇരുവരും ആത്മഹത്യ ചെയ്തതാണെന്നാണ് പ്രാഥമിക നിഗമനം. നേരത്തെ പലതവണ വഴക്ക് ഒത്തുതീര്പ്പാക്കാന് ഇവര് പോലീസിനെ സമീപിച്ചിരുന്നു.
ഫോണില് വിളിച്ചിട്ട് കിട്ടാത്തതിനെ തുടര്ന്ന് സുഹൃത്തുക്കള് എത്തിയപ്പോള് വീട് അകത്ത് നിന്ന് പൂട്ടിയ നിലയിലായിരുന്നു. തുടര്ന്ന് സുഹൃത്തുക്കള് പോലീസില് വിവരമറിയിച്ചു. തുടര്ന്ന് പോലീസ് എത്തി വാതില് തകര്ത്ത് അകത്ത് കടക്കുകയായിരുന്നു. ആത്മഹത്യാ കുറിപ്പൊന്നും കണ്ടെത്തിയിട്ടില്ല. കീടനാശിനിയുടെ ഒഴിഞ്ഞ കുപ്പികള് വീട്ടില് നിന്ന് ലഭിച്ചു.
https://www.facebook.com/Malayalivartha