സിബിഐയുടെ വിശ്വാസ്യത നിലനിറുത്താന് കോടതി ഇടപെടല് സഹായിക്കും; സുപ്രീംകോടതി നിലപാട് സ്വാഗതം ചെയ്യുന്നതായി കേന്ദ്രമന്ത്രി അരുണ് ജയ്റ്റ്ലി
സിബിഐയിലെ ആഭ്യന്തരപ്രശ്നങ്ങളില് സുപ്രീംകോടതി നിലപാട് സ്വാഗതം ചെയ്യുന്നതായി കേന്ദ്രമന്ത്രി അരുണ് ജയ്റ്റ്ലി. സിബിഐയുടെ വിശ്വാസ്യത നിലനിറുത്താന് കോടതി ഇടപെടല് സഹായിക്കും. കോടതിയുടെ മേല്നോട്ടത്തില് നിഷ്പക്ഷമായ അന്വേഷണം നടക്കുമെന്നും അരുണ് ജയ്റ്റ്ലി പറഞ്ഞു.
സിബിഐയിലെ പ്രശ്നങ്ങളില് ജസ്റ്റീസ് എ.കെ. പട്നായിക്കിന്റെ മേല്നോട്ടത്തില് കേന്ദ്ര വിജിലന്സ് കമ്മീഷന് അന്വേഷിക്കാന് സുപ്രീംകോടതി ഉത്തരവിട്ടിരുന്നു. സിബിഐ ഡയറക്ടര് സ്ഥാനത്തുനിന്നും മാറ്റിയതിനെതിരെ അലോക് വര്മ നല്കിയ ഹര്ജിയിലായിരുന്നു കോടതി നടപടി. രണ്ടാഴ്ചയ്ക്കുള്ളില് റിപ്പോര്ട്ട് സമര്പ്പിക്കാനും ചീഫ് ജസ്റ്റീസ് രഞ്ജന് ഗൊഗോയ് അധ്യക്ഷനായ മൂന്നംഗ ബെഞ്ച് ഉത്തരവില് പറയുന്നു.
അതേസമയം, സിബിഐ ഡയറക്ടറിന്റെ ചുമതല നല്കിയിരിക്കുന്ന എം. നാഗേശ്വര് റാവു നയപരമായ തീരുമാനം എടുക്കരുതെന്നും കോടതി ഉത്തരവിട്ടിട്ടുണ്ട്. എന്നാല് ഈ സ്ഥാനത്തു തുടര്ന്നു കൊണ്ട് ഭരണം മുന്നോട്ട് കൊണ്ടുപോകാം.
https://www.facebook.com/Malayalivartha