മഹാസമാധി നവതി ആചരണം... ശിവഗിരിയില് സ്മൃതി ഇറാനി തിങ്കളാഴ്ചയെത്തും
ഗുരുദേവ മഹാസമാധി നവതി ആചരണത്തോടനുബന്ധിച്ച് ശിവഗിരിയില് 29ന് രാവിലെ 11ന് ചേരുന്ന സ്ത്രീസമാജം സമ്മേളനം കേന്ദ്ര മന്ത്രി സ്മൃതി ഇറാനി ഉദ്ഘാടനം ചെയ്യും. ശിവഗിരി മഠം പോസ്റ്റ് ഓഫീസിന്റെ ഉദ്ഘാടനവും മന്ത്രി നിര്വഹിക്കും. എം.ജി സര്വകലാശാല മുന് വൈസ് ചാന്സലര് ഡോ. ജാന്സി ജയിംസ് അദ്ധ്യക്ഷത വഹിക്കും. കേരള സര്ക്കിള് സെന്ട്രല് റീജിയണ് പോസ്റ്റ്മാസ്റ്റര് ജനറല് സുമതി രവിചന്ദ്രന് സന്നിഹിതയാവും. മന്ത്രി കടകംപള്ളി സുരേന്ദ്രന് മുഖ്യപ്രഭാഷണം നടത്തും. സംഗീതാ വിശ്വനാഥന്, ലതികാസുഭാഷ്, സ്വാമിനി നിത്യചിന്മയി, കെ. പത്മകുമാര്, മുനിസിപ്പല് ചെയര്പേഴ്സണ് ബിന്ദു ഹരിദാസ് തുടങ്ങിയവര് പങ്കെടുക്കും. കെ.പി. കൃഷ്ണകുമാരി സ്വാഗതവും പി. സുന്ദരന് നന്ദിയും പറയും. വൈകിട്ട് മൂന്നിന് തൊഴിലാളി സമ്മേളനം മുന് മുഖ്യമന്ത്രി ഉമ്മന്ചാണ്ടി ഉദ്ഘാടനം ചെയ്യും. യോഗം ജനറല് സെക്രട്ടറി വെള്ളാപ്പള്ളി നടേശന് അദ്ധ്യക്ഷത വഹിക്കും. സ്വാമി സച്ചിദാനന്ദ, ബി.ജെ.പി സംസ്ഥാന അദ്ധ്യക്ഷന് പി.എസ്. ശ്രീധരന് പിള്ള, സ്വാമി ബോധിതീര്ത്ഥ എന്നിവര് പ്രഭാഷണം നടത്തും. സ്വാമി ധര്മ്മചൈതന്യ സ്വാഗതവും അജി.എസ്.ആര്.എം നന്ദിയും പറയും.
30ന് രാവിലെ 11 ന് അദ്ധ്യാത്മ സമ്മേളനം മൈസൂര് സുത്തൂര് മഠാധിപതി മഹാസ്വാമി ശിവരാത്രിദേശീകേന്ദ്ര ഉദ്ഘാടനം ചെയ്യും. ധര്മ്മസംഘം ട്രസ്റ്റ് പ്രസിഡന്റ് സ്വാമി വിശുദ്ധാനന്ദ അദ്ധ്യക്ഷത വഹിക്കും. സ്വാമി ജ്ഞാനാമൃതാനന്ദപുരി (അമൃതാനന്ദമയി മഠം മാതൃവാണി എഡിറ്റര്), സ്വാമി നന്ദാത്മജാനന്ദ (രാമകൃഷ്ണാശ്രമം പ്രബുദ്ധ കേരളം എഡിറ്റര്), സ്വാമി അവ്യയാനന്ദ (ശിവഗിരിമഠം മാസിക എഡിറ്റര്), സ്വാമി തദ്രൂപാനന്ദ (ജനകജനനി കൃപാഗുരുകുലം) തീരുവനന്തപുരം), സ്വാമി ആദ്ധ്യാത്മാനന്ദ (സുബോധ് ഫൗണ്ടേഷന് തിരുവനന്തപുരം),സ്വാമി ശാരദാനന്ദ (ശ്രീനാരായണ ധര്മ്മസംഘം ട്രസ്റ്റ് ഖജാന്ജി) തുടങ്ങിയവര് സംസാരിക്കും. സ്വാമി ശിവസ്വരൂപാനന്ദ സ്വാഗതവും സ്വാമി സാന്ദ്രാനന്ദ നന്ദിയും പറയും.31ന് രാവിലെ 9ന് മഹായതിപൂജ ആരംഭിക്കും.11ന് മഹാപ്രസാദം, 12ന് മംഗളാരതിയോടുകൂടി നാല്പത്തിയൊന്ന് ദിവസത്തെ മണ്ഡലമഹായജ്ഞം സമാപിക്കും.
https://www.facebook.com/Malayalivartha