പരസ്ത്രീബന്ധം ചോദ്യംചെയ്തു; യുവതിയെ ഭര്ത്താവ് എട്ടാംനിലയില്നിന്നും തള്ളിയിട്ടുകൊലപ്പെടുത്തി
30 OCTOBER 2018 05:40 PM IST
മലയാളി വാര്ത്ത
യുവതിയെ ഭര്ത്താവ് എട്ടാംനിലയില്നിന്നും തള്ളിയിട്ടുകൊലപ്പെടുത്തി. ചണ്ഡീഗഡിലെ ഗുരുഗ്രാമില് ഭര്ത്തൃനന്മക്കുള്ള അനുഷ്ഠാനമായ കര്വ ചൗത് ആചരിക്കുന്നതിനിടെയാണ് സംഭവം. ഗുരുഗ്രാം -ഫരിദാബാദ് റോഡില് അന്സല്വാലിയിലാണ് നാട്ടുകാര് നോക്കിനില്ക്കുമ്പോള് സ്വകാര്യസ്ഥാപനത്തിലെ സീനിയര് എക്സിക്യൂട്ടീവ് ആയ വിക്രം ചൗഹാന് ഭാര്യ ബാങ്ക് സീനിയര് ഉദ്യോഗസ്ഥയായ ദീപികാചൗഹാനെ(32) തള്ളിയിട്ടത്. വഴക്കിട്ടതിനെതുടര്ന്നായിരുന്നു കൊലപാതകം. 2013ല് പ്രേമിച്ച് വിവാഹം കഴിച്ച ദമ്പതികള്ക്ക് നാലുവയസുള്ള മകളും ആറുമാസം മാത്രം പ്രയമുള്ള മകനുമുണ്ട്. സമീപത്തുള്ള ഒരു സ്ത്രീയുമായി വിക്രമിനുള്ള ബന്ധമാണ് വഴക്കായത്. ഈ സ്ത്രീ തുടര്ച്ചയായി ഇവരുടെ ഫ്ളാറ്റില് എത്തിയിരുന്നു. ഇതു പരസ്യമായതോടെ ദീപിക ക്ഷുഭിതയായി . തുടർന്നുനടന്ന വഴക്കാണ് കൊലപാതകത്തിലെത്തിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
