ദൂരദർശൻ ന്യൂ​സ്​ കാ​മ​റ​മാ​നും ര​ണ്ടു പൊ​ലീ​സു​കാ​രും അടക്കം മൂന്നു പേർ കൊല്ലപ്പെട്ട ഛത്തി​സ്​​ഗ​ഢി​ലെ മാ​വോ​വാ​ദി​ ആ​ക്ര​മ​ണ​ത്തി​ൽ നിന്ന് അത്ഭുതകരമായി രക്ഷപ്പെട്ട മാധ്യമപ്രവർത്തകന്‍റെ വിഡിയോ സന്ദേശം പുറത്ത്.അമ്മയ്ക്കായി മാധ്യമപ്രവർത്തകൻ മോർ മുകുത് ശർമ പകർത്തിയ സെൽഫി വിഡിയോ സന്ദേശമാണ് ദൂരദർശൻ പുറത്തുവിട്ടത്.വെടിയൊച്ചയുടെ പശ്ചാത്തലത്തിൽ നിലത്തു കിടന്നാണ് മുകുത് ശർമ സെൽഫി വിഡിയോ ദൃശ്യങ്ങൾ കാമറയിൽ പകർത്തിയിട്ടുള്ളത്.

സാഹചര്യം ഗുരുതരമാണ്, ഇവിടെ നിന്ന് രക്ഷപ്പെടാന്‍ സാധ്യതയില്ല. പക്ഷേ തനിക്ക് ഭയമില്ല. മോര്‍മുക്ത് വീഡിയോയില്‍ പറയുന്നു.സമൂഹ മാധ്യമങ്ങളില്‍ വൈറലാവുകയാണ് ഈ ദൃശ്യങ്ങള്‍.

റിപ്പോര്‍ട്ടര്‍ ധീരജ് കുമാര്‍, ക്യാമറമാന്‍ അച്യുതാനന്ദ സാഹു എന്നിവരോടൊപ്പം ഛത്തീസ്ഗഢിലെ തിരഞ്ഞെടുപ്പ് വാര്‍ത്തകള്‍ റിപ്പോര്‍ട്ടു ചെയ്യാനെത്തിയതായിരുന്നു മോര്‍മുക്ത്. അതിനിടെയാണ് മാവോവാദി ആക്രമണമുണ്ടായത്. പിന്നീട് പോലീസ് എത്തി ഇവരെ രക്ഷപ്പെടുത്തി. എന്നാല്‍, ക്യാമറമാന്‍ അച്യുതാനന്ദ സാഹു ആക്രമണത്തില്‍ കൊല്ലപ്പെട്ടു.

നവംബറിൽ ന​ട​ക്കു​ന്ന സം​സ്​​ഥാ​ന നി​യ​മ​സ​ഭ തെ​ര​ഞ്ഞെ​ടു​പ്പ്​ റി​പ്പോ​ർ​ട്ട്​ ചെ​യ്യാ​നെത്തിയ ദൂ​ര​ദ​ർ​ശ​ൻ സം​ഘത്തിന് നേരെയാണ് ഛത്തി​സ്​​ഗ​ഢ് ദ​ന്തേ​വാ​ഡ ജി​ല്ല​യി​ലെ നി​ല​വ​യ ഗ്രാ​മ​ത്തി​ൽവെച്ച് മാ​വോ​വാ​ദികൾ​ ആ​ക്ര​മ​ണം നടത്തിയത്. ദൂ​ര​ദ​ർ​ശ​ൻ സം​ഘ​ത്തി​നും പൊ​ലീ​സു​കാ​ർ​ക്കും നേ​രെ വെടിയുർത്തുകയായിരുന്നു .