രാജ്യത്തിന്റെ സാമ്പത്തിക വളര്ച്ചക്ക് കേന്ദ്രസര്ക്കാറുമായി സഹകരിച്ച് പ്രവര്ത്തിക്കാന് ആര്.ബി.ഐ ഗവര്ണ്ണര്ക്ക് സാധിക്കുന്നില്ലെങ്കിൽ രാജി വച്ച് പുറത്ത് പോകണം.;ഉര്ജിത് പട്ടേലിനെതിരെ ആര്.എസ്.എസ് സംഘടനയായ ജാഗരൺ മഞ്ച്
രാജ്യത്തിന്റെ സാമ്പത്തിക വളര്ച്ചക്ക് കേന്ദ്രസര്ക്കാറുമായി സഹകരിച്ച് പ്രവര്ത്തിക്കാന് ആര്.ബി.ഐ ഗവര്ണ്ണര്ക്ക് സാധിക്കുന്നില്ലെങ്കില് രാജിവെച്ച് പുറത്തുപോവാന് ആവശ്യപ്പെട്ട് ആര്.എസ്.എസ് സംഘടനയായ സ്വദേശി ജാഗരണ് മഞ്ചിന്റെ സാമ്പത്തിക വിഭാഗം തലവന് അശ്വനി മഹാജന്.
സിബി ഐ യ്ക്ക് പിന്നാലെ രാജ്യത്തെ കേന്ദ്ര ബാങ്കായ ആര് ബി ഐ യേയും ചൊല്പ്പിടിക്കു നിര്ത്താനുള്ള മോദി സര്ക്കാരിന്റെ നീക്കത്തിനെതിരെ ബാങ്ക് ഡെപ്യൂട്ടി ഗവര്ണര് വിരാല് ആചാര്യ പരസ്യമായി അഭിപ്രായ പ്രകടനം നടത്തിയിരുന്നു. തെരഞ്ഞെടുപ്പിന് മുന്നോടിയായി വോട്ടുകള് ലക്ഷ്യമിട്ട് കേന്ദ്രസര്ക്കാര് ആര്.ബി.ഐയെ ഉപയോഗിക്കുന്നു എന്ന ആരോപണം ഉയര്ന്നു വന്നിട്ടുണ്ട്.തൊട്ടുപിന്നാലെ നടപടികളില് പ്രതിഷേധിച്ച് ഉര്ജിത് പട്ടേല് രാജിക്കൊരുങ്ങിയതായും വാര്ത്തയുണ്ടായിരുന്നു.പിന്നീട് ധനമന്ത്രി നിലപാട് മയപ്പെടത്തിയെങ്കിലും ആര്ബി ഐ യെ വരുതിയിലാക്കാനുള്ള ശ്രമങ്ങള് സര്ക്കാര് തുടരുകയാണെന്നാണ് റിപ്പോര്ട്ടുകള്. ഈ സാഹചര്യത്തിലാണ് ജാഗരണ് മഞ്ചിന്റെ സാമ്പത്തിക വിഭാഗം തലവന് അശ്വനി മഹാജന് രംഗത്തെത്തിയത്.
അച്ചടക്കം പാലിക്കാന് കഴിയുന്നില്ലെങ്കില് ഉര്ജിത് പട്ടേല് രാജിവെയ്ക്കണം.പരസ്യമായ അഭിപ്രായ ഭിന്നത പ്രകടിപ്പിക്കുന്നതില് നിന്നും ഉര്ജിത് തന്റെ ഉദ്യോഗസ്ഥരെ വിലക്കണo. ആര്ബിഐ നിയമത്തിന്റെ എല്ലാ അധികാരവും ഉപയോഗിക്കാന് സര്ക്കാരിന് അവകാശമുണ്ടെന്നും അശ്വനി മഹാജന് വ്യക്തമാക്കി
ബാങ്കുകളുടെ കിട്ടാക്കടം വര്ധിച്ചതിന് ആര്.ബി.ഐ ആണ് കാരണം എന്ന് അരുണ് ജെയ്റ്റ്ലി കുറ്റപ്പെടുത്തിയിരുന്നു. കേന്ദ്രസര്ക്കാരും ആര്.ബി.ഐയും തമ്മിലുള്ള പോരുകള്ക്കിടെ ഉര്ജിത് പട്ടേല് രാജിക്കൊരുങ്ങുതായും റിപ്പോര്ട്ടുകളുണ്ടായിരുന്നു.
https://www.facebook.com/Malayalivartha
