വരുന്ന നിയമസഭാ തെരഞ്ഞെടുപ്പില് രാജസ്ഥാനില് കോണ്ഗ്രസ് അധികാരത്തില് വരുമെന്ന് അഭിപ്രായ സര്വേ
വരുന്ന ലോക്സഭാ തെരഞ്ഞെടുപ്പിനൊപ്പം ചില സംസ്ഥാനങ്ങളിലും തെരഞ്ഞെടുപ്പ് നടക്കുകയാണ്. ലോക്സഭയില് ബിജെപി അധികാരത്തില് വരുമെന്ന അഭിപ്രായ സര്വേയ്ക്ക് പിന്നാലെ രാജസ്ഥാനിലെ സര്വേയും പുറത്തു വന്നു.
രാജസ്ഥാനിലെ നിയമസഭാ തിരഞ്ഞെടുപ്പില് കോണ്ഗ്രസ് പാര്ട്ടി നല്ല ഭൂരിപക്ഷത്തോടെ അധികാരത്തില് വരുമെന്നാണ് അഭിപ്രായ സര്വേ വന്നിട്ടുള്ളത്. ടൈംസ് നൗസിഎന്എക്സ് സംസ്ഥാനത്തിന്റെ വിവിധ ഭാഗങ്ങളിലെ 8040പേരെ കണ്ടു തിരഞ്ഞെടുപ്പിനു മുന്നോടിയായി നടത്തിയ അഭിപ്രായ സര്വേയിലെ ഫലമാണു ഭരണകക്ഷിയായ ബിജെപിയെ പിന്നിലാക്കി കോണ്ഗ്രസ് അധികാരത്തിലെത്തുമെന്നു പ്രവചിക്കുന്നത്. മുഖ്യമന്ത്രി വസുന്ധര രാജെയുടെ പ്രകടനം മോശമാണെന്നു സര്വേയില് പങ്കെടുത്തവരില് 48% പേരും അഭിപ്രായപ്പെട്ടു.
200 അംഗ നിയമസഭയില് കോണ്ഗ്രസിന് 110 120 സീറ്റുകളും ബിജെപിക്ക് 7080സീറ്റുകളും ലഭിക്കുമെന്നാണു സര്വേ ഫലം. മായാവതിയുടെ ബിഎസ്പിക്ക് 13 സീറ്റുകള്, മറ്റുകക്ഷികള്ക്കെല്ലാം കൂടി 7 സീറ്റുകള് എന്നിങ്ങനെയും ലഭിക്കും. 2013ലെ തിരഞ്ഞെടുപ്പില് ബിജെപിക്കു 163 സീറ്റുകള്, രണ്ടാം സ്ഥാനത്തെത്തിയ കോണ്ഗ്രസിന് 21 സീറ്റുകള് എന്നിങ്ങനെയായിരുന്നു കക്ഷിനില. സര്വേയില്പങ്കെടുത്തവരില് ഭൂരിപക്ഷവും കോണ്ഗ്രസിലെ സച്ചിന്പൈലറ്റ് മുഖ്യമന്ത്രിയാകണമെന്ന് ആഗ്രഹിക്കുന്നു. ഡിസംബര് ഏഴിനാണു രാജസ്ഥാനില് തിരഞ്ഞെടുപ്പ്. 11നു ഫലം വരും.
https://www.facebook.com/Malayalivartha
