ശബരിമലയിലെ യുവതീപ്രവേശന വിഷയത്തിൽ കോൺഗ്രസിനുള്ളിൽ ആശയക്കുഴപ്പമില്ല സംഭവിക്കുന്നത്, മറിച്ച് വ്യത്യസ്ത അഭിപ്രായങ്ങളാണ് കോണ്‍ഗ്രസ് നേതാവും നടിയുമായ ഖുശ്ബു. സ്ത്രീകളെ പ്രവേശിപ്പിക്കണമെന്ന ചരിത്രവിധി അന്തിമമാണ്. എന്നാൽ -കേന്ദ്ര-സംസ്ഥാന നേതൃത്വങ്ങൾക്ക് ശബരിമല വിഷയത്തില്‍ വ്യത്യസ്ത അഭിപ്രായമാണുള്ളത്. നൂറ്റാണ്ടുകളായി പിന്തുടർന്നു പോന്നിരുന്ന ആചാരങ്ങൾ കോടതി നിർത്തലാക്കുമ്പോള്‍ ജനങ്ങള്‍ക്കിടയില്‍ വ്യത്യസ്ത അഭിപ്രായങ്ങള്‍ ഉണ്ടാകുo -ഖുശ്ബു പറഞ്ഞു .

ലിംഗവിവേചനത്തിന് കോൺഗ്രസ് എതിരാണെന്നും കുശ്ബു പറയുന്നു. സ്ത്രീകളെയും പുരുഷൻമാരെയും വേർതിരിക്കുന്നത് ശരിയല്ല. ആചാരങ്ങളും വിശ്വാസങ്ങളും ഓരോ മതത്തിനും വ്യത്യസ്തമാണ്. കേരളത്തിലെ സ്ത്രീകളടക്കമുള്ളവർ ആചാരങ്ങളെ പിന്തുണയ്ക്കുകയും പിന്തുടരുകയും ചെയ്യുന്നവരാണ്.

ശബരിമല സ്ത്രീപ്രവേശനത്തെ ഉയർത്തിക്കാണിച്ച് ഒരു വർഗീയ ധ്രുവീകരണമാണ് ബി.ജെ.പി ലക്ഷ്യം വെയ്ക്കുന്നത്. ദക്ഷിണേന്ത്യൻ സംസ്ഥാനങ്ങള്‍ പിടിക്കുകയെന്നതാണ് അവരുടെ ഗൂഢ ലക്ഷ്യo . മധ്യപ്രദേശിൽ തിരഞ്ഞെടുപ്പ് പ്രചാരണത്തിനിടയിൽ സംസാരിക്കുക്കവെയാണ് ഖുശ്‌ബു ഇത് വ്യക്തമാക്കിയത്.