ലോക്‌സഭാ തെരഞ്ഞെടുപ്പ് അടുത്ത് നിൽക്കുന്ന സാഹചര്യത്തിൽ ഇന്ത്യൻ പ്രധാനമന്ത്രിയാവാന്‍ ഏറ്റവും യോഗ്യന്‍ നരേന്ദ്ര മോദി തന്നെയാണെന്ന് സര്‍വേ ഫലം. ന്യൂസ് പോര്‍ട്ടലായ ഡെയ്ലി ഹണ്ട് നടത്തിയ ഓണ്‍ലെെന്‍ സര്‍വേയില്‍ ആണ് ഭൂരിഭാഗം പേരും നരേന്ദ്രമോദി പ്രധാനമന്ത്രി ആകുന്നതിനോട് അനുകൂലിക്കുന്നു. 63 ശതമാനം പേരാണ് മോദി തന്നെ പ്രധാനമന്ത്രിയാവണമെന്ന് അഭിപ്രായപ്പെത്.

രാജ്യത്തിന്റെ നല്ലൊരു ഭാവിക്കായി മോദി തന്നെ വീണ്ടും പ്രധാനമന്ത്രിയാവണമെന്നാണ് ഭൂരിഭാഗം പേരുടെയും ആവശ്യം. രാജ്യത്തിനും അകത്തും പുറത്തുമായി ഏകദേശം 53 ലക്ഷം പേ‌ര്‍ സര്‍വേയില്‍ പങ്കെടുത്തതായി ഡെയ്ലി ഹണ്ട് വ്യക്തമാക്കി. നീല്‍സണ്‍ ഇന്ത്യ എന്ന ഡാറ്റ അലലിറ്റിക്സ് കമ്പനിയുമായി ചേര്‍ന്നാണ് സര്‍വേ നടത്തിയത്. അഴിമതി പൂര്‍ണമായും തുടച്ച്‌ നീക്കാന്‍ പ്രധാനമന്ത്രിക്ക് സാധിക്കുമെന്ന് സര്‍വേയില്‍ പങ്കെടുത്ത 60 ശതമാനം പേരും അവകാശപ്പെട്ടു. കോണ്‍ഗ്രസ് പ്രസിഡന്റ് രാഹുല്‍ ഗാന്ധിയില്‍ വിശ്വസിക്കുന്നത് 17 ശതമാനം മാത്രം. അരവിന്ദ് കേജ്‌രിവാള്‍(8 ശതമാനം) അഖിലേഷ് യാദവ്(3) മായാവതി(2) എന്നിവര്‍ ബഹുദൂരം പിന്നിലാണ്.

മലയാളം, ഹിന്ദി, ഇംഗ്ലീഷ് തുടങ്ങി പത്ത് ഭാഷകളിലായിരുന്നു സര്‍വേ. ഒന്നിലധികം അഭിപ്രായങ്ങള്‍ രേഖപ്പെടുത്താവുന്ന പത്ത് മള്‍ട്ടിപ്പിള്‍ ചോയ്‌സ് ചോദ്യഘടനയാണ് സര്‍വേയ്ക്കായി നല്‍കിയത്. നിയമസഭാ തെരഞ്ഞെടുപ്പ് നടക്കുന്ന മധ്യപ്രദേശ്, രാജസ്ഥാന്‍, ഛത്തീസ്ഗഡ് തുടങ്ങിയ അഞ്ച് സംസ്ഥാനങ്ങളില്‍ തെലുങ്കാന ഒഴിച്ചുള്ള എല്ലായിടത്തും മോദി അനുകൂല തരംഗമാണെന്ന് സര്‍വേ പറയുന്നു. ചെറിയ ഗ്രാമങ്ങള്‍ മുതല്‍ മെട്രോ നഗരങ്ങളില്‍ വരെയുള്ളവര്‍ സര്‍വേയില്‍ അഭിപ്രായം രേഖപ്പെടുത്തി.