2019 വരെയുള്ള ശൈത്യകാല അന്താരാഷ്ട്ര വിമാന സര്‍വിസിന്റെ എയര്‍പോര്‍ട്ട് മൂവ്മന്റെ് റിപ്പോര്‍ട്ട് ഡി.ജി.സി.എ പുറത്തിറക്കി. കണ്ണൂര്‍ വിമാനത്താവളം ഉള്‍പ്പെടാതെയുള്ളതാണ് റിപ്പോര്‍ട്ട്. അതേസമയം, കണ്ണൂരില്‍നിന്ന് സര്‍വിസ് നടത്താന്‍ സന്നദ്ധമായ എയര്‍ലൈന്‍സുകള്‍ക്ക് അനുമതി കിട്ടുന്നതിനനുസരിച്ച് സര്‍വിസ് തുടങ്ങാനാവുമെന്ന് കിയാല്‍ അധികൃതര്‍ വ്യക്തമാക്കി.

ഒക്‌ടോബര്‍ 28 മുതല്‍ 2019 മാര്‍ച്ച് 31 വരെയുള്ളതാണ് കഴിഞ്ഞദിവസം പ്രസിദ്ധീകരിച്ച അന്താരാഷ്ട്രആഭ്യന്തര ഷെഡ്യൂള്‍. അന്താരാഷ്്ട്ര സര്‍വിസ് നടത്തുന്ന എയര്‍ ഇന്ത്യ, എയര്‍ ഇന്ത്യ എക്‌സ്പ്രസ്, ഇന്‍ഡിഗോ, ജെറ്റ് എയര്‍വേസ്, സ്‌പൈസ് ജെറ്റ് എന്നിവയുടെ ഷെഡ്യൂളാണ് ഇറങ്ങിയത്.

ഒക്‌ടോബര്‍ 28ന് ശൈത്യകാല ഷെഡ്യൂള്‍ തയാറാക്കുമ്പോള്‍ പ്രവര്‍ത്തനസജ്ജമായ വിമാനത്താവളങ്ങളെ മാത്രമേ സ്വാഭാവികമായും അതില്‍ ഉള്‍പ്പെടുത്തുകയുള്ളൂവെന്ന് കിയാല്‍ വൃത്തങ്ങള്‍ വിശദീകരിച്ചു

ഡിസംബറില്‍ ഉദ്ഘാടനം നടക്കുകയും എയര്‍ലൈന്‍സുകളുടെ അന്തിമ ഷെഡ്യൂള്‍ സമര്‍പ്പിക്കുകയും ചെയ്യുന്നതോടെ അടുത്ത മാര്‍ച്ച് മുതല്‍ ആരംഭിക്കുന്ന ഷെഡ്യൂളില്‍ കണ്ണൂര്‍ വിമാനത്താവളം ഉള്‍പ്പെടും. അതുവരെയും നിലവിലെ വിമാനക്കമ്പനികളുമായുള്ള ധാരണയനുസരിച്ച സര്‍വിസാണ് നടക്കുക.

എയര്‍ ഇന്ത്യ എക്‌സ്പ്രസിന് പുറമെ ഇന്‍ഡിഗോ, സ്‌പൈസ് ജെറ്റ്, ഗോ എയര്‍ എന്നിവയുമായുള്ള സംഭാഷണം തുടരുകയാണ്. കഴിഞ്ഞദിവസമിറങ്ങിയ ആഭ്യന്തര ശൈത്യകാല ഷെഡ്യൂളിലെ രണ്ട് ആഭ്യന്തരറൂട്ടുകളില്‍ കണ്ണൂരിനെ ഉള്‍പ്പെടുത്തിയിട്ടുണ്ട്. ഇന്‍ഡിഗോയുടെ 6..7972,6 .7972 നമ്പര്‍ വിമാനങ്ങള്‍ക്ക് ഹുബ്ലികണ്ണൂര്‍ റൂട്ടിലാണ് സര്‍വിസ് അനുവദിച്ചത്.

നവംബര്‍ 25 മുതല്‍ ഈ റൂട്ടിലെ സര്‍വിസ് പ്രാബല്യത്തില്‍ വരും. രാവിലെ 10.35ന് കണ്ണൂരിലെത്തി 10.55ന് തിരിച്ചു പുറപ്പെടുന്നതാണ് സര്‍വിസ്. കണ്ണൂര്‍ചെന്നൈ റൂട്ടില്‍ ആര്‍.ഇ 7971 നമ്പര്‍ വിമാനത്തിനുള്ള സര്‍വിസാണ് മറ്റൊന്ന്. രണ്ടും നിത്യ സര്‍വിസാണ്. ഉഡാന്‍ സര്‍വിസില്‍പെടുന്ന ഇവ നവംബര്‍ 26 മുതല്‍ പ്രാബല്യത്തില്‍ വരുന്നതിനാല്‍ ഡിസംബര്‍ ഒമ്പതിന് ഉദ്ഘാടനത്തിനുശേഷം ഇവ ആരംഭിക്കണമോ എന്ന് കിയാലാണ് തീരുമാനിക്കേണ്ടതെന്ന് ഡി.ജി.സി.എ വൃത്തങ്ങള്‍ പറഞ്ഞു.