ഗുജറാത്ത് നിയമസഭ മന്ദിരത്തില്‍ പുള്ളിപ്പുലി പ്രവേശിക്കുന്ന സി.സി.ടി.വി ദൃശ്യത്തെ തുടര്‍ന്ന് സെക്രട്ടറിയേറ്റ് പ്രവര്‍ത്തനം നിലച്ചു. ഇന്നലെ അര്‍ദ്ധ രാത്രിക്ക് ശേഷം 1.53 ന് നിയമസഭ കെട്ടിടത്തിന്റെ ഏഴാം ഗെയിറ്റിന് അടിയിലൂടെ പുലി കടക്കുന്ന ദൃശ്യങ്ങളാണ് സി.സി.ടി.വിയില്‍ പതിഞ്ഞത്. തുടര്‍ന്ന്, വനംവകുപ്പ് ഉദ്യോഗസ്ഥര്‍ പുലിക്കായി തിരച്ചില്‍ തുടങ്ങി.നിയമസഭ കെട്ടിടത്തിന് ചുറ്റും പുലി കൂടുകള്‍ നിരത്തിയാണ് തിരച്ചില്‍. 100 വനംവകുപ്പ് ഉദ്യോഗസ്ഥരെ നിയോഗിച്ചിട്ടുണ്ട്.
നിയമസഭ ഉദ്യോഗസ്ഥര്‍ക്ക് പൊലിസ് പ്രവേശനം നിഷേധിച്ചു. മഹാരാഷ്ട്രയിലെ യവത്മാലില്‍ നരഭോജിയായ പെണ്‍ കടുവ അവാനിയെ സര്‍ക്കാര്‍ ഉത്തരവിനെ തുടര്‍ന്ന് വെടിവെച്ച് കൊന്നത് വിവാദമായതിനു പിന്നാലെയാണ് ഗുജറാത്ത് നിയമസഭയെ സ്തംഭിപ്പിച് പുള്ളിപ്പുലി കടന്നുകൂടിയത്