അലഹബാദിന്റെ പേര് പ്രയാഗ്‌രാജ് എന്നാക്കി മാറ്റിയ വിഷയത്തിൽ വിശദീകരണവുമായി ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്. പേരുമാറ്റത്തെ എതിര്‍ക്കുന്നവര്‍ എന്തുകൊണ്ട് അവര്‍ക്ക് രാവണനെന്നോ ദുര്യോധനനെന്നോ പേരിടാത്തത്. അവര്‍ മഹാഭാരതത്തിലെ വില്ലന്മാരാണ്. ഹരിദ്വാറില്‍ ഒരു ചടങ്ങില്‍ പങ്കെടുത്ത് സംസാരിക്കവെയാണ് യോഗി ഇക്കാര്യം വ്യക്തമാക്കിയത്.

താന്‍ അലഹബാദിന്റെ പേര് മാറ്റിയതിനെ ചിലര്‍ ചോദ്യം ചെയ്യുന്നുണ്ട്. ആ പേരിനെന്താണ് പ്രശ്‌നമെന്നാണ് അവരുടെ ചോദ്യം.എന്നാൽ എന്തുകൊണ്ടാണ് അവർക്ക് അവരുടെ മാതാപിതാക്കള്‍രാവണനെന്നോ, ദുര്യോധനനെന്നോ പേരിടാതിരുന്നത്. കാരണം മറ്റൊന്നുമല്ല; ഈ രാജ്യത്ത് പേരിന് ഏറെ പ്രാധാന്യമുണ്ട് എന്നതു കൊണ്ടുതന്നെയാണ് യോഗി പറഞ്ഞു.

രാജ്യത്തിന്റെ സംസ്‌കാരവും ചരിത്രവും പാരമ്പര്യവും അറിയാത്തവരാണ് പേരുമാറ്റത്തിന് പിന്നില്‍ എന്നും അവരില്‍ നിന്ന് ഇതല്ലാതെ നമ്മളെന്ത് പ്രതീക്ഷിക്കാനാണെന്നുമാണ് പേരുമാറ്റത്തെ കുറിച്ച് കോണ്‍ഗ്രസിന്റെ പ്രതികരണം.