മുന് സിബിഐ ഉദ്യോഗസ്ഥന്റെ മൊഴി അമിത്ഷായെ കുടുക്കുന്നു, പണം തട്ടുന്ന റാക്കറ്റിന്റെ ഭാഗമാണ് അമിത്ഷായെന്ന് വെളിപ്പെടുത്തല്, ടെലിഫോണ് രേഖകളുള്പ്പെടെ കൃത്യമായ തെളിവുകള് ശേഖരിച്ചുള്ള കുറ്റപത്രം അമിത്ഷായ്ക്ക് നിര്ണായകം
ലോക്സഭാ തെരഞ്ഞെടുപ്പിന് ഇനി മാസങ്ങള് ശേഷിക്കെ ബിജെപി അധ്യക്ഷന് അമിത്ഷായ്ക്കെതിരെ മുന് സിബി ഐ ഉദ്യോഗസ്ഥന് സന്ദീപ് തംഗഡ്ഗെ രംഗത്ത്. ബി.ജെ.പി ദേശീയാധ്യക്ഷന് അമിത് ഷാ, രാജസ്ഥാന് ആഭ്യന്തര മന്ത്രി ഗുലാബ്ചന്ദ് കടാരിയ, സൊഹ്റാബുദ്ദീന് ശൈഖ്, തുള്സീറാം പ്രജാപതി എന്നിവരും ഗുജറാത്തിലെയും രാജസ്ഥാനിലെയും ഹൈദരാബാദിലെയും ഐ.പി.എസ് ഉദ്യോഗസ്ഥരും ബില്ഡര്മാരെ ഭീഷണിപ്പെടുത്തി പണംതട്ടിയ റാക്കറ്റിലെ കണ്ണികളെന്ന് കോടതിയില് മുന് സി.ബിഐ ഉദ്യോഗസ്ഥന്.
തുള്സീറാം പ്രജാപതി വ്യാജ ഏറ്റുമുട്ടല് കൊലക്കേസിലെ മുഖ്യ അന്വേഷണ ഉദ്യോഗസ്ഥനായിരുന്ന സന്ദീപ് തംഗഡ്ഗെയാണ് സൊഹ്റാബുദ്ദീന്, ഭാര്യ കൗസര്ബി, പ്രജാപതി എന്നിവരുടെ ഏറ്റുമുട്ടല് കൊലക്കേസില് വിചാരണ നടക്കുന്ന പ്രത്യേക സി.ബി.െഎ കോടതി മുമ്പാകെ ഇങ്ങനെ മൊഴിനല്കിയത്.
രാജസ്ഥാന് ആഭ്യന്തര മന്ത്രി ഗുലാബ്ചന്ദ് കടാരിയ, സൊഹ്റാബുദ്ദീന് ശൈഖ്, തൂള്സീറാം പ്രജാപതി എന്നിവരും ഗുജറാത്തിലെയും രാജസ്ഥാനിലെയും ഹൈദരാബാദിലെയും ഐപി എസ് ഉദ്യോഗസ്ഥരും പണം തട്ടല് സംഘത്തിലെ കണ്ണികളായിരുന്നു.
സൊഹ്റാബുദ്ദീന് തങ്ങളെ ധിക്കരിച്ചതോടെ അയാളെയും സഹായി പ്രജാപതിയെയും കൊലപ്പെടുത്തുകയായിരുന്നുവെന്നും അമിത് ഷാ, ഉന്നത ഐ.പി.എസുകാരായ ഡി.ജി. വന്സാര, എം.എന് ദിനേഷ്, രാജ്കുമാര് പാണ്ഡ്യന് എന്നിവരാണ് കൊലപാതകത്തിന്റെ മുഖ്യ സൂത്രധാരകരെന്നും സന്ദീപ് തംഗഡ്ഗെ കോടതിയില് മൊഴിനല്കി. ടെലിഫോണ് രേഖകള് ഉള്പ്പെടെ കൃത്യമായ തെളിവുകള് ശേഖരിച്ചതായും കുറ്റപത്രത്തില് ഉറച്ചുനില്ക്കുന്നതായും അദ്ദേഹം ക്രോസ്വിസ്താരത്തിനിടെ ആവര്ത്തിച്ചു. ക്രിമിനല്, രാഷ്ട്രീയ, പൊലീസ് റാക്കറ്റെന്നാണ് സന്ദീപ് തംഗഡ്ഗെ ബില്ഡര്മാരെ ഭീഷണിപ്പെടുത്തി പണം തട്ടുന്ന റാക്കറ്റിനെ കോടതിയില് വിശേഷിപ്പിച്ചത്. വിശദീകരിക്കാന് ആവശ്യപ്പെട്ടപ്പോള് അമിത് ഷാ, കടാരിയ എന്നിവരാണ് രാഷ്ട്രീയക്കാരെന്നും സൊഹ്റാബുദ്ദീന്, കൂട്ടാളികളായ പ്രജാപതി, അഅ്സം ഖാന് എന്നിവരാണ് ക്രിമിനലുകളെന്നും വന്സാര, എം.എന്. ദിനേഷ്, രാജ്കുമാര് പാണ്ഡ്യന് എന്നിവരാണ് പൊലീസുകാരെന്നും തംഗഡ്ഗെ വ്യക്തമാക്കി.
പോപുലര് ബില്ഡേഴ്സ് ഉടമകളായ ദശരഥ് പട്ടേല്, രമണ് പട്ടേല് എന്നിവരില്നിന്ന് പണം തട്ടാന് അമിത് ഷായും കടാരിയയും സൊഹ്റാബുദ്ദീനെയും കൂട്ടാളികളെയും ഉപയോഗിച്ചതിന് തെളിവുണ്ടെന്നും അദ്ദേഹം കോടതിയില് പറഞ്ഞു. സൊഹ്റാബുദ്ദീന് കൊലപാതകത്തിലൂടെ രാഷ്ട്രീയ, സാമ്പത്തിക നേട്ടമുണ്ടാക്കിയത് അമിത് ഷാ ആണെന്ന് ഇതിനുമുമ്പ് സൊഹ്റാബുദ്ദീന് കേസ് അന്വേഷിച്ച സി.ബി.െഎ ഉദ്യോഗസ്ഥന് അമിതാഭ്താക്കൂറും കോടതിയില് മൊഴി നല്കിയിരുന്നു. പട്ടേല് സഹോദരന്മാരില്നിന്ന് അമിത് ഷാ 70 ലക്ഷം രൂപയും വന്സാര 60 ലക്ഷം രൂപയും വാങ്ങിയെന്നാണ് ആരോപണം. എന്നാല്, ഇതിന് തെളിവ് കണ്ടെത്തിയിട്ടില്ലെന്നും അദ്ദേഹം കോടതിയില് പറഞ്ഞിരുന്നു.
"
https://www.facebook.com/Malayalivartha
