കര്‍ണാടകയിലെ മാണ്ഡ്യയില്‍ ബസ് കനാലിലേക്ക് മറിഞ്ഞ് 20 പേര്‍ മരിച്ചു. സ്‌കൂള്‍ വിദ്യാര്‍ഥികളടക്കം അപകടത്തില്‍പ്പെട്ടിട്ടുണ്ടെന്നാണ് വിവരം. ബസ് മുഴുവനായും കനാലില്‍ മുങ്ങി കിടക്കുകയാണ്. കാവേരി നദിയിലെ വി.സി കനാലില്‍ കാനംഗമാറഡി ഗ്രാമത്തിലാണ് അപകടമുണ്ടായത്. ശനിയാഴ്ച ഉച്ചക്ക് 12.25ഓടെയായിരുന്നു ദുരന്തം. അപകടം നടന്നയുടന്‍ മുതിര്‍ന്ന പൊലീസ് ഉദ്യോഗസ്ഥരും ഫയര്‍ഫോഴ്‌സും സംഭവസ്ഥലത്തെത്തി.
മാണ്ഡ്യയിലുള്ള കര്‍ണാടക മുഖ്യമന്ത്രി എച്ച്.ഡി കുമാരസ്വാമി സംഭവസ്ഥലം സന്ദര്‍ശിക്കുമെന്നാണ് വിവരം. കഴിഞ്ഞയാഴ്ച ഹുബ്ലി ദേശീയപാതയില്‍ ഉണ്ടായ അപകടത്തില്‍ ആറ് പേര്‍ മരിച്ചിരുന്നു. മുംബൈയില്‍ നിന്നുള്ള വിനോദസഞ്ചാരികളുമായി പോയ ബസാണ് അപകടത്തില്‍ പെട്ടത്.