കോണ്ഗ്രസ് നുണകള് നിര്മ്മിച്ച് പ്രചരിപ്പിക്കുന്നു ! ; പട്ടേല് ആദ്യത്തെ പ്രധാനമന്ത്രിയായിരുന്നെങ്കില് കര്ഷകര്ക്ക് കഴിഞ്ഞ 55-60 വര്ഷങ്ങളിലുണ്ടായ ദുരിതം നേരിടേണ്ടിവരില്ലായിരുന്നെന്ന് പ്രധാനമന്ത്രി നരേന്ദ്ര മോദി
ഇന്ത്യയുടെ ആദ്യ പ്രധാനമന്ത്രി സര്ദാര് വല്ലഭായി പട്ടേല് ആയിരുന്നെങ്കിൽ കര്ഷകര്ക്ക് കഴിഞ്ഞ 55-60 വര്ഷങ്ങളിലെ മോശം അവസ്ഥ ഉണ്ടാകുമായിരുന്നില്ലെന്ന് പ്രധാനമന്ത്രി നരേന്ദ്ര മോദി. രാജസ്ഥാനിലെ മന്ദസോറില് തെരഞ്ഞെടുപ്പ് റാലിയില് സംസാരിക്കുകയായിരുന്നു അദ്ദേഹം.
പട്ടേല് ആദ്യത്തെ പ്രധാനമന്ത്രിയായിരുന്നെങ്കില് കര്ഷകര്ക്ക് ദുരിതം നേരിടേണ്ടിവരില്ലായിരുന്നു. അവര് ശക്തരായിത്തീരുമായിരുന്നുവെന്നും കോണ്ഗ്രസ് ജനങ്ങളെ ഭിന്നിപ്പിക്കുകയാണെന്നും മോദി കുറ്റപ്പെടുത്തി. അടുത്തിടെ കോണ്ഗ്രസ് നേതാവിന്റേതായ വീഡിയോ സാമൂഹികമാധ്യമങ്ങളില് പ്രചരിക്കുന്നുണ്ട്. ഇത്തരം വീഡിയോകളിലൂടെ ചില വിഭാഗക്കാരുടെ ഇടയില്നിന്നും കോണ്ഗ്രസ് എങ്ങനെയാണ് വോട്ട് നേടുന്നത് കാണുക. ഇത്തരം കാര്യങ്ങള് അംഗീകരിക്കാനാവില്ലെന്നും ഇത് ജനാധിപത്യത്തോടുള്ള അവഹേളനമാണെന്നും മോദി പറഞ്ഞു.
കോണ്ഗ്രസ് നുണകള് നിര്മിക്കുകയും പ്രചരിപ്പിക്കുകയും ചെയ്യുന്നു. ഇന്ദിരാ ഗാന്ധിയുടെ മുദ്രാവാക്യം ദാരിദ്ര്യം ഇല്ലാതാക്കുമെന്നായിരുന്നു. എന്നാല് എവിടെനിന്നാണ് ദാരിദ്ര്യം ഇല്ലാതാക്കിയത്? സാധരണക്കാര്ക്ക് ഗുണമാകുമെന്നു പറഞ്ഞ് ബാങ്കുകളെ ദേശസാത്കരിച്ചു. എന്നാല് എന്താണ് സംഭവിച്ചത്? ബഹുഭൂരിപക്ഷത്തിനും അക്കൗണ്ടുപോലും ഇല്ലാത്ത സ്ഥിതിയായിരുന്നെന്നും മോദി ആരോപിച്ചു.
https://www.facebook.com/Malayalivartha