അയോദ്ധ്യ നഗരം ആയിരക്കണക്കിന് സുരക്ഷാ ഭടന്മാരുടെ വലയത്തില്... രാമക്ഷേത്ര നിര്മ്മാണത്തിന്റെ അവസാന തയ്യാറെടുപ്പുകള് ചര്ച്ചചെയ്യാനും ക്ഷേത്രത്തിനായി നിയമനിര്മ്മാണം ആവശ്യപ്പെട്ടും വിശ്വ ഹിന്ദു പരിഷത്ത് ഇന്ന് അയോദ്ധ്യയില് ധര്മ്മസഭ സംഘടിപ്പിക്കും
രാമക്ഷേത്ര നിര്മ്മാണത്തിന്റെ അവസാന തയ്യാറെടുപ്പുകള് ചര്ച്ചചെയ്യാനും ക്ഷേത്രത്തിനായി നിയമനിര്മ്മാണം ആവശ്യപ്പെട്ടും വിശ്വ ഹിന്ദു പരിഷത്ത് ഇന്ന് അയോദ്ധ്യയില് ധര്മ്മസഭ സംഘടിപ്പിക്കും. സന്യാസിമാരും പ്രവര്ത്തകരും അടക്കം രണ്ട് ലക്ഷത്തിലേറെ പേര് പങ്കെടുക്കുമെന്നാണ് പ്രഖ്യാപനം. ഇതിന്റെ അടിസ്ഥാനത്തില് അയോദ്ധ്യ നഗരം ആയിരക്കണക്കിന് സുരക്ഷാ ഭടന്മാരുടെ വലയത്തിലാണ്. രാമക്ഷേത്ര നിര്മ്മാണത്തിന്റെ തടസങ്ങള് നീക്കാനുള്ള അവസാന ശ്രമം എന്നാണ് ധര്മ്മസഭയെ വി.എച്ച്.പി വിശേഷിപ്പിക്കുന്നത്.
ഇനി സമരങ്ങളും ചര്ച്ചകളും ഇല്ലെന്നും അടുത്ത ഘട്ടം ക്ഷേത്ര നിര്മ്മാണമാണെന്നും അവര് പ്രഖ്യാപിച്ചിട്ടുണ്ട്. പിന്തുണയുമായി ആര്.എസ്.എസും ശിവസേനയും രംഗത്തുണ്ട്. ഉത്തര്പ്രദേശിന്റെ പല ഭാഗങ്ങളില് നിന്നായി ട്രെയിനുകളിലും ബസുകളിലും മറ്റു വാഹനങ്ങളിലുമായി പ്രവര്ത്തകര് അയോദ്ധ്യയിലേക്ക് വന്നുകൊണ്ടിരിക്കുന്നു. ശിവസേനാ നേതാവ് ഉദ്ധവ് താക്കറെ അടക്കം പ്രമുഖ നേതാക്കളും എത്തി. രാമജന്മ ഭൂമിയില് സമര്പ്പിക്കാന് പൂനെ ശിവ്നേരി കോട്ടയില് നിന്ന് ഒരു കുടം മണ്ണുമായാണ് താക്കറെയുടെ വരവ്.
ഉദ്ധവിന്റെ ആദ്യ അയോദ്ധ്യ സന്ദര്ശനമാണിത്. ഭാര്യ രശ്മിക്കും പുത്രന് ആദിത്യയ്ക്കും ഒപ്പം എത്തിയ ഉദ്ധവിനെ ജയ് ശ്രീറാം വിളികളോടെ പ്രവര്ത്തകര് എതിരേറ്റു. മഹാരാഷ്ട്രയില് നിന്ന് രണ്ട് ട്രെയിനുകളിലായി മൂവായിരം ശിവസേന പ്രവര്ത്തകരും എത്തിയിട്ടുണ്ട്.പ്രവര്ത്തകര് ശ്രീരാമന്റെ ദേഹത്യാഗത്തിലൂടെ പുരാണ പ്രസിദ്ധമായ സരയൂ നദിയില് സ്നാനം ചെയ്ത് രാംലല്ലയിലും ഹനുമാന് ഗഡിയിലും പ്രാര്ത്ഥിച്ച ശേഷമാണ് സമ്മേളന വേദിയിലേക്ക് നീങ്ങുന്നത്.
"
https://www.facebook.com/Malayalivartha