ആസാമിൽ വിദ്യാർത്ഥികളുമായി പോയ ബസിനു തീപിടിച്ചു; അപ്രതീക്ഷിത അപടത്തിൽ നിന്നും തലനാരിഴയ്ക്ക് രക്ഷപ്പെട്ടത് നാൽപ്പതോ വിദ്യാർത്ഥികളും അധ്യാപകരും; ഷോർട്ട് സർക്യൂട്ടാണ് അപകടകാരണമെന്ന് പ്രാഥമിക നിഗമനം
ആസാമിൽ വിദ്യാർത്ഥികളുമായി പോയ ബസിനു തീപിടിച്ചതായി റിപ്പോട്ടുകൾ. ആസാമിലെ ബാഗ്മതി അബരിഷ് നഗറിൽ ശനിയാഴ്ച്ചയായിരുന്നു സംഭവം. നാൽപതോളം വിദ്യാർത്ഥികളുണ്ടായിരുന്ന ബസ്സിൽ തീപിടിത്തം ശ്രദ്ധയിൽപെട്ടയുടനെ അധ്യാപകരും വിദ്യാർത്ഥികളും ബസിൽ നിന്നും പുറത്തേയ്ക്ക് ചാടുകയായിരുന്നു. യാത്രക്കാരുടെ സമയോചിത ഇടപെടൽ മൂലം ഒരു വലിയ ദുരന്തം ഒഴിവാക്കാനായി.
അതേസമയം ഷോർട്ട് സർക്യൂട്ടാണ് അപകടകാരണമെന്നാണ് പ്രാഥമിക വിവരം. സംഭവത്തിൽ എട്ട് പേർക്ക് പരിക്കേറ്റു. ഇവരെ ആശുപത്രിയിൽ പ്രവേശിപ്പിച്ചിരിക്കുകയാണ്. അപകടത്തിൽ ബസ് പൂർണമായും കത്തിനശിച്ചു. ബാഗ്മതിയിലെ സെറിഗ്ന ഫൗഡേഷൻ കോളജ് വിദ്യാർത്ഥികൾ സഞ്ചരിച്ചിരുന്ന ബസാണ് അഗ്നിക്കിരയായത്.
https://www.facebook.com/Malayalivartha