മുതിര്ന്ന മാധ്യമപ്രവര്ത്തകന് സുജാത് ബുഖാരിയെ വെടിവെച്ചു കൊന്ന ലഷ്കറെ ത്വയ്യിബ്ബ തീവ്രവാദി നവീദ് ജാട്ടിനെ ഏറ്റുമുട്ടലില് വധിച്ചതായി സുരക്ഷാ സേന
മുതിര്ന്ന മാധ്യമപ്രവര്ത്തകന് സുജാത് ബുഖാരിയെ വെടിവെച്ചു കൊന്ന ലഷ്കറെ ത്വയ്യിബ്ബ തീവ്രവാദി നവീദ് ജാട്ടിനെ ഏറ്റുമുട്ടലില് വധിച്ചതായി സുരക്ഷാ സേന. ജമ്മുകാശ്മീരിലെ ബുദ്ഗാമില് നടന്ന ഏറ്റുമുട്ടലിലാണ് നവീദ് ജാട്ട് ഉള്പ്പെടെ മൂന്നു തീവ്രവാദികളെ സുരക്ഷാ സേന വധിച്ചത്. ബുദ്ഗാമിലെ കുത്പുര പ്രദേശത്ത് ഭീകരര് ഒളിച്ചിരിക്കുന്നുവെന്ന വിവരത്തെ തുടര്ന്ന് സുരക്ഷ സേനകള് സംയുക്തമായി തെരച്ചില് നടത്തുകയായിരുന്നു.
ഒളിച്ചിരുന്ന തീവ്രവാദികള് സൈന്യത്തിനു നേരെ വെടിവെച്ചു. തുടര്ന്ന് സൈന്യം പ്രദേശം വളഞ്ഞ് പ്രത്യാക്രമണം നടത്തുകയായിരുന്നു. പാകിസ്താന് പൗരനായ നവീദ് ജാട്ട് പൊലീസ് കസ്റ്റഡിയിലിരിക്കെ ഫെബ്രുവരി ആറിന് ശ്രീനഗറിലെ ആശുപത്രിയില് നിന്നും രക്ഷപ്പെടുകയായിരുന്നു.
പിന്നീട് ഇയാളുടെ നേതൃത്വത്തിലുള്ള സംഘമാണ് ജൂണ് 14 ന് ഇംഗ്ലീഷ് ദിനപത്രമായ റൈസിങ് കശ്മീരിന്റെ ചീഫ് എഡിറ്ററായ സുജാത് ബുഖാരിയെ കൊലപ്പെടുത്തിയത്. സംഭവത്തെ തുടര്ന്ന് ബുദ്ഗാമിലെ ഇന്റര്നെറ്റ് ബന്ധം വിഛേദിച്ചിട്ടുണ്ട്.
https://www.facebook.com/Malayalivartha
