മുംബൈയിലെ വനമേഖലയില് വന് തീപിടുത്തം, അതിശക്തമായ കാറ്റ് തീപിടുത്തത്തിന്റെ വ്യാപ്തി കൂട്ടി, അപൂര്വ്വ സസ്യങ്ങളും വന്യമൃഗങ്ങളും അടക്കം വന് നാശനഷ്ടം, തീ നിയന്ത്രണവിധേയമാക്കാനുള്ള ശ്രമം തുടരുന്നു
വടക്ക്പടിഞ്ഞാറ് മുംബൈയിലെ വനമേഖലയില് നാലു കിലോമീറ്റര് ചുറ്റളവില് വന് തീപിടിത്തമുണ്ടായി. മുംബൈയിലെ ഗുര്ഗാവില് അരൈ കോളനി മേഖലയിലാണ് സംഭവമുണ്ടായത് . ഗോത്രവര്ഗക്കാര് താമസിക്കുന്ന പ്രദേശനത്തിന് സമീപമാണ് തീപിടിത്തമുണ്ടായതെന്ന് അഗ്നിരക്ഷാസേന . അതിശക്തമായി കാറ്റ് വീശിയടിച്ചതോടെ തീ സമീപ പ്രദേശങ്ങളിലേക്ക് പടരാന് ഇടയാക്കി. അപകടത്തില് ആളപായം റിപ്പോര്ട്ട് ചെയ്തിട്ടില്ല.അപൂര്വ്വ സസ്യങ്ങളും വന്യമൃഗങ്ങളും അടക്കം വലിയ നാശനഷ്ടമാണ് ഉണ്ടായിട്ടുള്ളത്.
വെസ്റ്റേണ് എക്സ്പ്രസ് ഹൈവേയില് നിന്നും തീ പടരുന്നത് കാണാന് സാധിക്കും. ഗോത്രവര്ഗക്കാരെയും കന്നുകാലികളെയും അപകടസ്ഥലത്ത് നിന്ന് ഒഴിപ്പിക്കാന് പൊലീസ് ഉദ്യോഗസ്ഥര്ക്ക് നിര്ദേശം നല്കിയതായി അഗ്നിശമനസേനാ മേധാവി പ്രഭാത് രഹന്ദലെ അറിയിച്ചു. ഇന്നലെ വൈകിട്ട് ആറരയോടെ ജനറല് അരുണ് കുമാര് വൈദ്യ മാര്ഗിലെ ഐ.ടി പാര്ക്കിന് സമീപത്തെ തുറന്ന് സ്ഥലത്ത് തീപിടിത്തം ആരംഭിച്ചത്.
രാത്രിയോടെ ഗുര്ഗാവിലെ ന്യൂ മദാ കോളനിയിലെ റെഡിഡന്ഷ്യന് മേഖലയിലേക്ക് തീ പടര്ന്നു. ഏഴരയോടെ നാലു കിലോമീറ്റര് ചുറ്റളവിലേക്ക് തീ വ്യാപിച്ചു.10 ഫയര് എന്ജിനുകള് സ്ഥലത്തെത്തിച്ച് തീ നിയന്ത്രണ വിധേയമാക്കാനുള്ള ശ്രമത്തിലാണ് അധികൃതര്.
https://www.facebook.com/Malayalivartha
