മരിച്ചുകഴിഞ്ഞാല് മോക്ഷം തേടി ഇനി ബഹിരാകാശത്തേക്ക് ഒരു യാത്ര
മരിച്ചു കഴിഞ്ഞാൽ ആകാശത്തെ നക്ഷത്രക്കൂട്ടത്തിലൊരു നക്ഷത്രമാകും എന്നെല്ലാം പഴമക്കാര് പറയാറുണ്ട് എന്നാലിപ്പോൾ അത് തമാശയല്ല , ശരിക്കും സത്യമാണ്, എങ്ങനെയെന്നല്ലേ , മരിച്ചുകഴിഞ്ഞാല് ആകാശത്തേക്ക് ഒരു യാത്രയൊരുക്കുകയാണ് ‘എലിസിയം സ്പെയ്സ്’ എന്ന കമ്പനി.
മരണാനന്തരം ഭൗതികാവശിഷ്ടങ്ങള് മണ്ണിലോ വെള്ളത്തിലോ കലര്ത്തി മോക്ഷം തേടുന്നത് പോലെയാണ് ഈ പദ്ധതിയും. പക്ഷേ, മണ്ണിലോ വെള്ളത്തിലോ അല്ല, പകരം ബഹിരാകാശത്താണ് മോക്ഷം തേടി ഭൗതികാവശിഷ്ടങ്ങള് എത്തുകയെന്ന് മാത്രം. ഭൗതികാവശിഷ്ടങ്ങള് ഭദ്രമായി ഒരു പേടകത്തില് അടച്ച ശേഷം ബഹിരാകാശ വാഹനത്തിലാക്കി അങ്ങ് സ്പെയ്സിലേക്ക് വിടും. ഇതാണ് പരിപാടി.
സാന്ഫ്രാന്സിസ്കോ കേന്ദ്രീകരിച്ച് പ്രവര്ത്തിക്കുന്ന കമ്പനിയില് പണമടച്ച് നൂറോളം പേരുടെ ഭൗതികാവശിഷ്ടങ്ങള് ഇതിനോടകം തന്നെ ബന്ധുക്കള് ബഹിരാകാശത്തേക്ക് അയച്ചുകഴിഞ്ഞു. മരിച്ചുപോയവരുടെ ആകാശയാത്രയെ ‘ട്രാക്ക്’ ചെയ്യാന് പുതിയൊരു ആപ്പും റെഡിയാക്കിയിട്ടുണ്ട്. ഈ ആപ്പ് ഉപയോഗിച്ച് ബന്ധുക്കള്ക്ക് പ്രിയപ്പെട്ടവരുടെ യാത്രയുടെ ഗതി മനസ്സിലാക്കാം.
https://www.facebook.com/Malayalivartha
