ഉത്തര്പ്രദേശിലെ ബുലന്ദ്ശഹറില് ഗോവധം ആരോപിച്ച് സംഘപരിവാര് നടത്തിയ കലാപത്തിലും കൊലപാതകത്തിലും മൗനം പാലിച്ച് മുഖ്യമന്ത്രി യോഗി ആദിത്യനാഥ്
ഉത്തര്പ്രദേശിലെ ബുലന്ദ്ശഹറില് ഗോവധം ആരോപിച്ച് സംഘപരിവാര് നടത്തിയ കലാപത്തിലും കൊലപാതകത്തിലും മൗനം പാലിച്ച് മുഖ്യമന്ത്രി യോഗി ആദിത്യനാഥ്. ബുലന്ദ്ശഹറിലെ സ്ഥിതിഗതികള് ചര്ച്ച ചെയ്യുന്നതിനായി ഇന്നലെ രാത്രി നടന്ന ഉന്നത പൊലീസ് ഉദ്യോഗസ്ഥരുടെ യോഗത്തില് പശു കശാപ്പ് നടത്തുന്നവര്ക്കെതിരെ കര്ശന നടപടിയുണ്ടാകണമെന്ന് നിര്ദേശിച്ചു.
എന്നാല് പൊലീസ് ഇന്സ്പെക്ടര് സുബോധ് സിങ്ങിന്റെ കൊലപാതകവുമായി ബന്ധപ്പെട്ട് പ്രതികരിക്കാന് യോഗി ആദിത്യനാഥ് തയാറായില്ല. സുബോധ് സിങ്ങിന്റെ കുടുംബത്തെ സന്ദര്ശിക്കുന്നത് സംബന്ധിച്ചും മുഖ്യമന്ത്രിയില് നിന്ന് സ്ഥിരീകരണം ഉണ്ടായിട്ടില്ല.
യോഗത്തിനിടെ സുബോധ് സിങ്ങിന്റെ കൊലപാതകത്തെ കുറിച്ച് ഒരു വാക്ക് പോലും യോഗി സംസാരിച്ചില്ലെന്നും പൊലീസ് ഉദ്യോഗസ്ഥര് വെളിപ്പെടുത്തി.കലാപവും പൊലീസ് ഇന്സ്പെക്ടര് സുബോധ് കുമാര് സിങ്ങിന്റെ കൊലപാതകവും ആസൂത്രിതമാണെന്നും സംഭവത്തില് നേരിട്ടോ അല്ലാതെയോ പങ്കുള്ളവരെ ഉടന് പിടികൂടുമെന്നും അഡീഷണല് ചീഫ് സെക്രട്ടറി അവിനിഷ് അശ്വതി പറഞ്ഞു. ബുലന്ദ് ശഹര് കലാപത്തില് മുഖ്യമന്ത്രി അന്വേഷണത്തിന് ഉത്തരവിട്ടിട്ടുണ്ട്. പശു കശാപ്പ് നടത്തുന്നവര്ക്കെതിരെ കര്ശന നടപടിക്കും മുഖ്യമന്ത്രി നിര്ദേശം നല്കിയെന്നും ചീഫ് സെക്രട്ടറി അറിയിച്ചു
https://www.facebook.com/Malayalivartha
