ജമ്മു കാശ്മീരിലെ പഞ്ചായത്ത് തെരഞ്ഞെടുപ്പിന്റെ എട്ടാംഘട്ട വോട്ടെടുപ്പ് ആരംഭിച്ചു. 2,007 പഞ്ചായത്ത് സീറ്റുകളിലേക്കാണ് ഇന്ന് വോട്ടെടുപ്പ് നടക്കുന്നത്. രാവിലെ എട്ടിന് ആരംഭിച്ച വോട്ടെടുപ്പ് രണ്ടിന് അവസാനിക്കും.

2,633 പോളിംഗ് ബൂത്തുകളാണ് ഇന്ന് വോട്ടെടുപ്പിനായി ക്രമികരിച്ചിരുന്നത്. ഇതില്‍ 550 പോളിംഗ് ബൂത്തുകള്‍ കാഷ്മീരിലും 2,083 പോളിംഗ് ബൂത്തുകള്‍ ജമ്മുവിലുമാണ്. 361 ബൂത്തുകള്‍ പ്രശ്‌നബാധിത പ്രദേശിങ്ങളിലാണ്. കനത്ത സുരക്ഷയിലാണ് വോട്ടെടുപ്പ് പുരോഗമിക്കുന്നത്.

ഒന്‍പത് ഘട്ടമായാണ് കാഷ്മീരില്‍ പഞ്ചായത്ത് തെരഞ്ഞെടുപ്പ്. നവംബര്‍ 17ന് ആരംഭിച്ച വോട്ടെടുപ്പ് ഡിസംബര്‍ 11നാണ് അവസാനിക്കുന്നത്.