ഉത്തര്പ്രദേശ് ബുലന്ദ്ശഹര് കലാപത്തില് പൊലീസ് ഇന്സ്പെക്ടര് ഉള്പ്പെടെ രണ്ടുപേരുടെ മരണത്തിനുമിടയാക്കിയ ഗോഹത്യ കേസില് മൂന്നു പേര് അറസ്റ്റില്
ഉത്തര്പ്രദേശിലെ ബുലന്ദ്ശഹറില് കലാപത്തിനും പൊലീസ് ഇന്സ്പെക്ടര് ഉള്പ്പെടെ രണ്ടുപേരുടെ മരണത്തിനുമിടയാക്കിയ ഗോഹത്യ കേസില് മൂന്നു പേര് അറസ്റ്റില്. നദീം, റയീസ്, കാല എന്നിവരാണ് കലാപത്തിന് കാരണമായ ഗോഹത്യകേസില് അറസ്റ്റിലായത്. പ്രതികള് പശുക്കളെ വയലില് എത്തിച്ച് വെടിവെച്ച് കൊന്നശേഷം മാംസം പങ്കിട്ടെടുക്കുകയായിരുന്നുവെന്ന് പൊലീസ് പറഞ്ഞു.
കാലികളെ കടത്തികൊണ്ടുവന്ന് മാംസമെടുക്കുന്ന സംഘത്തില്പ്പെട്ട ഇവരില് നിന്ന് ഡബിള് ബാരല് തോക്കും കത്തികളും പിടിച്ചെടുത്തു. പശുകൊലയുടെ പേരില് അക്രമത്തിന് പേരിപ്പിച്ച രണ്ടുപേരും കഴിഞ്ഞ ദിവസം അറസ്റ്റിലായിട്ടുണ്ട്. സചിന് സിന്ഹ, ജോണി ചൗധരി എന്നിവരാണ് സ്പെഷ്യല് ടാസ്ക് ഫോഴ്സിന്റെ പിടിയിലായത്. ഇതോടെ കലാപ കേസില് അറസ്റ്റിലായവരുടെ എണ്ണം 19 ആയി.
എന്നാല് ഇന്സ്പെക്ടര് സുബോധ് കുമാര് സിങ്ങിന്റെ കൊലപാതകകേസില് പ്രധാനപ്രതിയെ പിടികൂടാന് ഇതുവരെ കഴിഞ്ഞിട്ടില്ല.
"
https://www.facebook.com/Malayalivartha