വോട്ടിനായി ദൈവങ്ങളെ മതം മാറ്റുന്നു: ഹനുമാന് മുസ്ലീമാണെന്ന് തെളിവുകള് നിരത്തി ബിജെപി നേതാവ്: ദളിതനാണെന്ന് യോഗി ആദിത്യനാഥ്
വോട്ട് പിടിക്കാന് പതിനെട്ടും അതിനപ്പുറവുമുള്ള അടവുകള് പയറ്റുന്നത് ബിജെപിക്ക് പുതുമയുള്ള കാര്യമല്ല. അതിന് ദൈവങ്ങളെ സൗകര്യമനുസരിച്ച് ഓരോ ജാതിയിലേയ്ക്കും മതത്തിലേയ്ക്കുമൊക്കെ മാറ്റും. ഇപ്പോള് മുസ്ലീം വോട്ടുകള് ലക്ഷ്യമിട്ട് ഹനുമാനെ മുസ്ലീമാക്കിയിരിക്കുകയാണ് ബിജെപിയുടെ നിയമസഭാ കൗണ്സില് അംഗം ബുക്കാല് നവാബ്.
ഹനുമാന് സ്വാമി ഒരു മുസ്ലിം ആണെന്നാണ് ഞങ്ങളുടെ വിശ്വാസം. അത്കൊണ്ടാണ് മുസ്ലിംങ്ങളുടെ പേര് മുഴുവന് ഹനുമാന്റെ പേരില് നിന്നും ഉരുത്തിരിഞ്ഞ് വന്നത്, നവാബ് പറഞ്ഞു. റഹ്മാന്, റംസാന്, ഫര്മാന്, ഖുര്ബാന് എന്നിങ്ങനെയുളള പേരുകള് ഉദ്ദരിച്ചായിരുന്നു ബിജെപി നേതാവിന്റെ പരാമര്ശം. മലയാളികളുടെ പേര് നോക്കുകയാണെങ്കില് ഉസ്മാന്, സുലൈമാന് എന്നിവയൊക്കെ ബിജെപി നേതാവിന് തെളിവായി ഉദ്ദരിക്കാനാവും.
തിരഞ്ഞെടുപ്പ് പ്രചരണങ്ങള്ക്കിടെ ഉത്തര്പ്രദേശ് മുഖ്യമന്ത്രി യോഗി ആദിത്യനാഥ് ഹനുമാന് ദളിതനാണെന്നാണ് പറഞ്ഞത്. ആദിവാസി ദളിതനാണ് ഹനുമാന് എന്ന് രാജസ്ഥാനിലെ ആള്വാറില് വെച്ചായിരുന്നു യോഗി ആദിത്യനാഥ് പറഞ്ഞത്. ദളിതരുടെ വോട്ട് നേടാനുളള ശ്രമത്തിന്റെ ഭാഗമായായിരുന്നു അന്ന് ആദിത്യനാഥിന്റെ പ്രസ്താവന. എന്നാല് ഇതിനെതിരെ ശക്തമായ പ്രതിഷേധങ്ങളും ഉയര്ന്നു.
ബ്രാഹ്മണ മഹാസഭ അടക്കമുളള സംഘടനകള് ആദിത്യനാഥിനെതിരെ രംഗത്ത് വന്നു. വോട്ട് പിടിക്കാനുളള തന്ത്രമാണ് ആദിത്യനാഥ് കാണിച്ചതെങ്കിലും രാജസ്ഥാനില് ബിജെപി വന് പരാജയമാണ് ഏറ്റുവാങ്ങിയത്. മുമ്പെങ്ങും ഇല്ലാത്ത വിധമാണ് ഇപ്പോള് ഇന്ത്യക്കാര് ഹനുമാനെ കുറിച്ച് സംസാരിക്കുന്നതും ഓര്ക്കുന്നതും.
ഹനുമാന് ദളിതനാണെന്ന് ആദിത്യനാഥ് പറഞ്ഞതിന് പിന്നാലെ ഹനുമാന് മനുവാദികളുടെ അടിമയായ ദളിതനാണെന്ന് ബിജെപി നേതാവ് തന്നെയായ സാവിത്രിഭായ് ഫൂലെ പറഞ്ഞിരുന്നു. ഇതിന് പിന്നാലെ സാവിത്രി പാര്ട്ടിയില് നിന്നും രാജി വെക്കുകയും ചെയ്തു. ഇതിന് പിന്നാലെ ഹനുമാന് ജൈന മതക്കാരനെന്ന അവകാശവാദവും ഉയര്ന്നു. മധ്യപ്രദേശില് നിന്നുംളള ജൈന സ്വാമിയായ ആചാര്യ നിര്ഭയ് സാഗര് മഹാരാജായിരുന്നു ഹനുമാന് ജൈന മതക്കാരനാണെന്ന് പറഞ്ഞത്. ജൈന വിശുദ്ധ പുസ്തകങ്ങളെ ഉദ്ദരിച്ചായിരുന്നു അദ്ദേഹത്തിന്റെ അവകാശവാദം
https://www.facebook.com/Malayalivartha
