ജെ.എന്.യു മുന് വിദ്യാര്ഥി യൂണിയന് നേതാവ് കനയ്യകുമാര്, ഉമര് ഖാലിദ്, അനിര്ബന് ഭട്ടാചാര്യ എന്നിവരടക്കം 10 പേര്ക്കെതിരെ രാജ്യദ്രോഹം ചുമത്തി കുറ്റപത്രം
അഫ്സല് ഗുരു അനുസ്മരണവുമായി ബന്ധപ്പെട്ട് ജവഹര്ലാല് നെഹ്റു സര്വകലാശാല (ജെ.എന്.യു) മുന് വിദ്യാര്ഥി യൂനിയന് നേതാവ് കനയ്യകുമാര്, ഉമര് ഖാലിദ്, അനിര്ബന് ഭട്ടാചാര്യ എന്നിവരടക്കം 10 പേര്ക്കെതിരെ ഡല്ഹി പൊലീസ് രാജ്യദ്രോഹം ചുമത്തി കുറ്റപത്രം തയ്യാറാക്കി.
മൂന്നു വര്ഷത്തിനുശേഷം തയ്യാറാക്കിയ കുറ്റപത്രം പാട്യാല ഹൗസ് കോടതിയില് ഉടനെ സമര്പ്പിക്കും. 2016 ഫെബ്രുവരി ഒമ്പതിന് ജെ.എന്.യു കാമ്പസില് നടന്ന അഫ്സല് ഗുരു അനുസ്മരണവുമായി ബന്ധപ്പെട്ട് നടന്ന പരിപാടിയില് രാജ്യവിരുദ്ധ മുദ്രാവാക്യം വിളിച്ചുവെന്ന എ.ബി.വി.പിയുടെ പരാതിയിലാണ് പൊലീസ് നടപടി. ഇവര്ക്ക് പുറമേയുള്ളവര് ജെ.എന്.യു, ജാമിഅ മില്ലിയ, അലീഗഢ് മുസ്ലിം സര്വകലാശാല എന്നിവിടങ്ങളില് പഠിക്കുന്ന കശ്മീരില്നിന്നുള്ള വിദ്യാര്ഥികളാണ്.
നേരത്തേ ശെഹ്ല റാഷിദ് അടക്കം 32 പേര്ക്കെതിരെയാണ് കേസെടുത്തതെന്നും എന്നാല് വ്യക്തമായ തെളിവില്ലാത്തതിനാല് മറ്റുള്ളവരെ ഒഴിവാക്കുകയായിരുന്നുവെന്നും ഡല്ഹി പൊലീസ് പറഞ്ഞു. നിലവില് കുറ്റപത്രം തയ്യാറാക്കിയവര്ക്കെതിരെ ഫോറന്സിക് തെളിവുകളടക്കം ലഭിച്ചിട്ടുണ്ടെന്നുമാണ് പൊലീസ് ഭാഷ്യം.
https://www.facebook.com/Malayalivartha
