അമിത് ഷായുടെ രഥ യാത്രയ്ക്ക് അനുമതി നിഷേധിച്ച കല്‍ക്കട്ട ഹൈക്കോടതി വിധിക്കെതിരെ ബിജെപി ഘടകം സുപ്രീംകോടതിയെ സമീപിച്ചു
പശ്ചിമബംഗാളില്‍ അമിത് ഷായുടെ രഥ യാത്രയ്ക്ക് അനുമതി നിഷേധിച്ച കല്‍ക്കട്ട ഹൈക്കോടതി വിധിക്കെതിരെ ബിജെപി ഘടകം സുപ്രീംകോടതിയെ സമീപിച്ചു. ഹര്‍ജി അടിയന്തരമായി പരിഗണിക്കണമെന്ന് അവശ്യപ്പെട്ടാണ് ബിജെപി സുപ്രീംകോടതിയെ സമീപിച്ചത്. ലോക്‌സഭാ തെരഞ്ഞെടുപ്പിനു മുന്നോടിയായി ബിജെപി അമിത് ഷായുടെ നേതൃത്വത്തില്‍ ബംഗാളില്‍ രഥയാത്ര നടത്താനിരുന്നത്.
എന്നാല്‍ വര്‍ഗീയ സംഘര്‍ഷ സാധ്യത കണക്കിലെടുത്ത് സര്‍ക്കാര്‍ രഥയാത്രയ്ക്കു അനുമതി നിഷേധിച്ചിരുന്നു. ഇതിനു പിന്നാലെ കല്‍ക്കട്ട ഹൈക്കോടതി ഡിവിഷന്‍ ബെഞ്ചും യാത്രയ്ക്ക് അനുമതി നിഷേധിച്ചിരുന്നു. ബംഗാളില്‍ മൂന്ന് രഥയാത്രകള്‍ നടത്താന്‍ കല്‍ക്കട്ട ഹൈക്കോടതിയുടെ സിംഗില്‍ ബെഞ്ച് ബിജെപിക്ക് അനുമതി നല്‍കിയിരുന്നു.
ഇതിനെതിരെ സര്‍ക്കാര്‍ സമര്‍പ്പിച്ച ഹര്‍ജിയിലാണ് ഡിവഷന്‍ ബെഞ്ച് അനുമതി നിഷേധിച്ചത്. ഡിസംബര്‍ ഏഴിന് കൂച്ച്ബഹാര്‍ ജില്ലയില്‍ നിന്നാണ് രഥയാത്ര ആരംഭിക്കാന്‍ തീരുമാനിച്ചിരുന്നത്. മൂന്ന് ഘട്ടങ്ങളായി സംസ്ഥാനത്തെ 42 ലോക്‌സഭാ മണ്ഡലങ്ങളിലൂടെയായിരുന്നു യാത്ര കടന്നുപോകേണ്ടിയിരുന്നത്.
"
https://www.facebook.com/Malayalivartha
