ഡല്ഹിയില് വായു മലിനീകരണത്തിന്റെ തോതില് വന് വര്ദ്ധനവ്... ആശുപത്രികളിലേക്കു ശ്വാസകോശ സംബന്ധിയായ അസുഖങ്ങളുമായി എത്തുന്ന രോഗികളുടെ എണ്ണം കൂടുന്നു, സ്വകാര്യ വാഹനങ്ങളുടെ നിയന്ത്രണം ഉള്പ്പെടെ നടപ്പാക്കുമെന്നു മുഖ്യമന്ത്രി
ഡല്ഹിയില് തുടര്ച്ചയായ നാലാം ദിവസവും വായുമലിനീകരണത്തിന്റെ തോത് ഗുരുതരമായി തുടരുന്നു. ദീപാവലിക്കു ശേഷം ഉണ്ടായ ഏറ്റവും മോശം അവസ്ഥയിലാണു ഡല്ഹിയുടെ അന്തരീക്ഷം ഇപ്പോള്. ഈ സാഹചര്യം തുടരുകയാണെങ്കില് സ്വകാര്യ വാഹനങ്ങളുടെ നിയന്ത്രണം ഉള്പ്പെടെ നടപ്പാക്കുമെന്നു മുഖ്യമന്ത്രി അരവിന്ദ് കേജരിവാള് പറഞ്ഞു.
സമീപ സംസ്ഥാനങ്ങളെയും ഉള്പ്പെടുത്തി കേന്ദ്ര സര്ക്കാര് അടിയന്തര യോഗം വിളിക്കണമെന്നു അദ്ദേഹം ആവശ്യപ്പെട്ടു. ആശുപത്രികളിലേക്കു ശ്വാസകോശ സംബന്ധിയായ അസുഖങ്ങളുമായി എത്തുന്ന രോഗികളുടെ എണ്ണം വര്ധിക്കുകയാണെന്നാണ് സര്ക്കാര് കണക്കുകള്.കേന്ദ്ര മലിനീകരണ നിയന്ത്രണ ബോര്ഡിന്റെ കണക്കു പ്രകാരം ഡല്ഹിയിലെ വായു നിലവാര സൂചിക (എയര് ക്വാളിറ്റി ഇന്ഡക്സ്-എക്യുഐ) ഏറ്റവും മോശം അവസ്ഥയിലാണ്.
തലസ്ഥാനത്തെ ഒന്പതിടങ്ങളില് വായുവിന്റെ നിലവാരം അതിദയനീയമാണ്. എന്സിആര്, ഫരീദാബാദ്, ഗാസിയാബാദ്, നോയിഡ എന്നിവിടങ്ങളില് അതിശക്തമായ വായുമലിനീകരണം രേഖപ്പെടുത്തിയപ്പോള് ഗുരുഗ്രാമില് ശ്വസിക്കാന്പോലും ഉപയോഗിക്കരുതാത്ത വിധം വായുനിലവാരം കുറവാണ്.
https://www.facebook.com/Malayalivartha
