സംഘടനകള് സംയുക്തമായി നടത്തുന്ന 48 മണിക്കൂര് പണിമുടക്ക് ഉത്തരേന്ത്യയില് ഭാഗികം... കൊല്ക്കത്തയിലും പശ്ചിമബംഗാളിലെ ഹൗറയിലും സമരക്കാര് ട്രെയിന് തടഞ്ഞു
സംഘടനകള് സംയുക്തമായി നടത്തുന്ന 48 മണിക്കൂര് പണിമുടക്ക് ഉത്തരേന്ത്യയില് ഭാഗികം. ഡല്ഹിയിലും മുംബൈയിലും പണിമുടക്ക് കാര്യമായ ചലനം സൃഷ്ടിച്ചിട്ടില്ല. കൊല്ക്കത്തയിലും പശ്ചിമബംഗാളിലെ ഹൗറയിലും സമരക്കാര് ട്രെയിന് തടഞ്ഞു. പണിമുടക്ക് കാരണം തൊഴിലാളികള്ക്ക് ഇന്നും നാളെയും ശമ്പളത്തോടു കൂടിയുള്ള അവധിയോ അര്ധ അവധിയോ നല്കാനാവില്ലെന്ന് പശ്ചിമ ബംഗാള് സര്ക്കാര് അറിയിച്ചിട്ടുണ്ട്.
ഒഡിഷയിലെ ഭുവനേശ്വറില് പണിമുടക്കിയ തൊഴിലാളികള് റോഡുകള് ഉപരോധിച്ചു. കോല്ക്കത്തയില് പണിമുടക്കിന് പിന്തുണ പ്രഖ്യാപിച്ച് പ്രതിഷേധിച്ച സി.പി.എം പ്രവര്ത്തകരെ പൊലീസ് അറസ്റ്റ് ചെയ്തു. കൊല്ക്കത്തയില് നിന്ന് 30 കി.മി അകലെ ബറസാത്തില് സമരക്കാര് സ്കൂള് ബസ് തകര്ത്തു. ഈ സമയം രണ്ട് വിദ്യാര്ഥികള് ബസില് ഉണ്ടായിരുന്നുവെങ്കിലും ഇവര്ക്ക് പരിക്കില്ല. പശ്ചിമ ബംഗാളിലെ അസന്സോളിലും ഹിന്ദ് മോട്ടോറിലും സമരക്കാര് ബസ് ആക്രമിച്ചു.
https://www.facebook.com/Malayalivartha
