സി.ബി.ഐ ഡയറക്ടര്‍ അലോക് വര്‍മ നല്‍കിയ ഹര്‍ജിയില്‍ സുപ്രീംകോടതി ഇന്ന് വിധി പറയും. പദവിയില്‍നിന്ന് നീക്കുകയും അവധിയില്‍ പ്രവേശിക്കാന്‍ ആവശ്യപ്പെടുകയും ചെയ്ത കേന്ദ്ര സര്‍ക്കാര്‍ നടപടിയെ ചോദ്യം ചെയ്ത് അലോക് വര്‍മ നല്‍കിയ ഹരജിയിലാണ് സുപ്രീംകോടതി ഇന്ന് വിധിപറയുന്നത്. വര്‍മയും സി.ബി.ഐ സ്‌പെഷല്‍ ഡയറക്ടര്‍ രാകേഷ് അസ്താനയും പരസ്പരം അഴിമതിയാരോപണം ഉന്നയിച്ച സാഹചര്യത്തിലാണ് കേന്ദ്രം ഇടപെട്ടത്.
വര്‍മ നല്‍കിയ ഹരജിയില്‍ കേന്ദ്രത്തിന്റെയും കേന്ദ്ര വിജിലന്‍സ് കമീഷന്റെയും വാദം കേട്ട ശേഷമാണ് ചീഫ് ജസ്റ്റിസ് രഞ്ജന്‍ ഗൊഗോയിയുടെ നേതൃത്വത്തിലുള്ള ബെഞ്ച് വിധിപറയുന്നത്.