അന്താരാഷ്ട്ര സഹായനിധി (ഐഎംഎഫ്)യുടെ ചീഫ് ഇക്കണോമിസ്റ്റായി മലയാളിയായ ഗീതാ ഗോപിനാഥ് ചുമതലയേറ്റു. ഈ പദവിയിലെത്തുന്ന ആദ്യത്തെ ഇന്ത്യന്‍ വനിതയാണ്.
കേരള മുഖ്യമന്ത്രിയുടെ ധനകാര്യ ഉപദേശകയും ഹാര്‍വഡ് യൂണിവേഴ്‌സിറ്റി പ്രഫസറുമായിരുന്ന ഗീതയെ കഴിഞ്ഞ വര്‍ഷം ഒക്ടോബറിലാണ് ഐഎംഎഫ് ചീഫ് ഇക്കണോമിസ്റ്റായി പ്രഖ്യാപിച്ചത്. ഡല്‍ഹിയിലെ ലേഡി ശ്രീറാം കോളജ്, ഡല്‍ഹി സ്‌കൂള്‍ ഓഫ് ഇക്കണോമിക്‌സ് എന്നിവിടങ്ങളില്‍ പഠിച്ചാണ് ഗീത എംഎ നേടിയത്.

യൂണിവേഴ്‌സിറ്റി ഓഫ് വാഷിംഗ്ടണില്‍നിന്ന് എംഎയും പ്രിന്‍സ് ടണ്‍ യൂണിവേഴ്‌സിറ്റിയില്‍നിന്നു പിഎച്ച്ഡിയും എടുത്തു. 2011ല്‍ വേള്‍ഡ് ഇക്കണോമിക് ഫോറം ഗീതയെ യംഗ് ഗ്ലോബല്‍ ലീഡര്‍ ആയി തെരഞ്ഞെടുത്തിരുന്നു.