ഭീകരസംഘടനയായ ഐ എസ് ഉൾപ്പെടെയുള്ള സംഘടനകളിൽ ചേരുവാനായി നാട് വിട്ട യുവാക്കൾ സാമൂഹ്യ മാധ്യമങ്ങളിൽ സജീവമെന്ന് റിപ്പോർട്ട് .

2013ന് ശേഷം ഇന്ത്യ വിട്ട് സിറയയിലെത്തിയവരാണ് സാമൂഹ മാദ്ധ്യമങ്ങളില്‍ സജീവമായിട്ടുള്ളതെന്നാണ് റിപ്പോർട്ട് . ദേശീയ അന്വേഷണ ഏജൻസി ( എൻ ഐ എ )യാണ് ഈ വിവരം പുറത്തുവിട്ടിരിക്കുന്നത്. എന്നാല്‍, ഇവര്‍ ആരെല്ലാമെന്നത് സംബന്ധിച്ച വിവരങ്ങളൊന്നും തന്നെ എൻ ഐ എ പുറത്ത് വിട്ടിട്ടില്ല.

ഭീകരസംഘടയിലേക്ക് ആളുകളെ ആകര്‍ഷിക്കുന്ന വിവരങ്ങളാണ് ഇവര്‍ അധികവും പങ്കുവയ്ക്കുന്നത്. ഇക്കാലയളവില്‍ എത്ര പേര്‍ സിറിയയിലെത്തിയെന്ന് എന്‍.ഐ.എ വെളിപ്പെടുത്തിയിട്ടില്ല. സിറിയ കേന്ദ്രീകരിച്ച്‌ പ്രവര്‍ത്തിക്കുന്ന ഭീകര സംഘടയിലാണ് ഇവര്‍ ഏറ്റവും അധികവും എത്തിയിട്ടുള്ളതെന്നാണ് കണ്ടെത്തല്‍. സംഭവത്തില്‍ എന്‍.ഐ.എ കേസ് രജിസ്റ്റര്‍ ചെയ്തിട്ടുണ്ട്.